Urtebeteko zigorra ezarri diote Iratxe Sorzabali, Capbretongo atentatuarekin lotuta
Frantziako Justiziak urtebeteko kartzela-zigorra ezarri dio Iratxe Sorzabal ETAko kideari Capbretongo atentatuarekin lotura duelakoan.
2007ko abenduaren 1ean bi guardia zibil hil zituen ETAk Capbretonen.
Parisko Auzitegiak ebatzi du Sorzabalek ez zuela hilketan parte hartu, baina atentatuaren egileek ihes egiteko erabili zuten ibilgailu batean topatutako zenbait objektutan bere aztarnak eta DNA arrastoak aurkitu zituzten.
Hori dela eta, urtebeteko zigorra ezarri diote, terrorismo delitu bat egotzita.
Parisko Auzitegiren arabera, Mikel Karrera Sarobek hil zituen tiroz bi guardia zibilak. Bizi osorako espetxealdia ezarri zioten horregatik.
Epaiketa amaitu aurretik hitza hartu du Sorzabalek eta azpimarratu du bere ideia politikoak "bide politikoen bidez" defendatuko dituela soilik.
Espainia Estatu demokratikoa ez dela salatu du, eta Kataluniako gatazka politikoa eta Euskal Herrian atxilotuen aurka tortura erabili izana horren erakusgarri direla erantsi du.
Ildo horretan, Sorzabalek gogora ekarri du Guardia Zibilak 2001ean atxilotu zuenean, "bost egunez eta bost gauez" torturatu egin zutela. Hilabete batzuk geroago, irailean, kargurik gabe aske utzi zuten.
Horrez gain, Espainia eta Frantziako gobernuak Euskal Herriko bake-prozesua "oztopatzen" aritu direla salatu du. Nolanahi ere, 2017ko apirilaren 8an ETAren "erabateko armagabetzea" eman zela nabarmendu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.