Estrasburgok Espainia zigortu du Porturi eta Sarasolari tratu txarrak emateagatik
Giza Eskubideen Europako Auzitegiak Espainiako Estatua zigortu zuen atzo, asteartea, Igor Portu eta Mattin Sarasola ETAko kideek aurkeztutako tortura salaketen auzian. 10 urte igaro dira Guardia Zibilak bi lesakarrak atxilotu zituenetik, eta auziak Espainiako bide judizial guztia agortuta heldu da Estrasburgora (Gipuzkoako Lurralde Auzitegiak guardia zibilak zigortu zituen; Gorenak, berriz, absolbitu).
Epaiaren arabera, Portuk eta Sarasolak tratu "anker eta umiliagarria" jasan zuten inkomunikazio aldian (ez du torturatzat jo, baina bai tratu txartzat). Auzitegiak uste du Espainiak Giza Eskubideen Europako Konbentzioaren 3. artikulua urratu zuela, bai eduki bai forma aldetik. Lehen aldiz zigortu du Estrasburgok Espainia tratu txarrak direla eta (aurrekoetan tortura kasuak ez ikertzeagatik zigortu du).
Hori horrela, bi salatzaileei 50.000 euro ordaintzera ere zigortu du (30.000 euro Igor Porturi eta 20.000 euro Mattin Sarasolari), kalte moralengatik.
Epaiak "frogatutzat" jo ditu bi atxilotuek "Guardia Zibilaren menpe zeudela" jasandako tratu txarrak. Hala, gogorarazi du Igor Portuk bost egun eman zituela ospitalean, horietatik hiru Zainketa Intentsiboen Unitatean. Horrez gain, nabarmendu duenez, "Espainiako agintariek ez dute lesioak justifika edo azaldu lezaketen beste arrazoi edo froga sinesgarririk eman" (zauriak atxilotu zituztenean egin zituztela argudiatu izan du Guardia Zibilak). Horrela, "Estatuari egotzi behar zaio erantzukizuna", ebatzi du Estrasburgok.
Portuk eta Sarasolak jasandakoak "tratu txarrak" izan zirela ebatzi du Auzitegiak. Tortura gisa jotzeko, "lesioek epe luzerako ondorioak" izan behar dituzte eta "helburu horrekin egin diren froga argiak egon behar dira". Zazpi epaileetako hiruk boto partikularra eman dute gertatutakoa "tortura" izan zela iritzita.
Guardia Zibila zigortu zuten lehen auzialdian
2010ean Gipuzkoako Lurralde Auzitegiak bi eta lau urte eta erdi arteko espetxe zigorrak ezarri zizkien Porturen eta Sarasolaren atxiloketan parte hartu zuten lau guardia zibili, torturak erabiltzeagatik. Urtebete geroago, baina, zigorra baliogabetu zuen Auzitegi Gorenak, txartu txarrak izan zirela ondorioztatzeko nahikoa frogarik ez zegoela argudiatuta.
Sarasolak eta Portuk Auzitegi Konstituzionalera jo zuten, babes eske, baina horrek baztertu egin zuen salaketa. Horren aurrean, Estrasburgon aurkeztu zuten helegitea.
ETAko kide izateagatik eta 2006an Barajasko aireportuko T4 terminalaren kontrako atentatuan parte hartzeagatik zigortu zituzten biak. Bi pertsona hil ziren atentatu horretan.
Albiste gehiago politika
Eusko Jaurlaritzan EAJren eta PSE-EEren artean "lan-giro ona" dagoela esan du Javier Hurtadok
Turismo, Merkataritza eta Kontsumo sailburuak kritikatu egin du jeltzaleek euskararen edo enplegu publikoaren legearen inguruan lortutako adostasuna hautsi izana, baina bi alderdien arteko lan-giroa ona dela nabarmendu du.
Fiskal nagusiak "erabat" ukatu zuen Ayusoren mutil-laguna inplikatzen duen mezua prentsara filtratu izana
Lau eta sei urte arteko kartzela-zigor eskaerari egin beharko dio aurre azaroan Alvaro Garcia Ortiz Estatuko fiskal nagusiak. Madrilgo presidentearen mutil-lagunak, berriz, lekuko gisa deklaratuko du.
Pasaiako portuaren inguruko polemika eta transferentziak eztabaidagai, "Parlamento en las ondas" saioan
EAJk eta PSE-EEk Eusko Jaurlaritzaren indarra nabarmendu dute, EH Bilduk barne krisia ikusten du, eta PPk eta PSE-EEk transferentzien erabileran jarri dute azpimarra.
Nafarroak arlo soziala indartu du Aurrekontuen aurreproiektuan, 6.741 milioi eurora igota
Aurreproiektuak PSNk, Geroa Baik eta Zurekin Nafarroa taldeak osatzen duten gobernu-akordioari erantzuten dio, baina EH Bilduren babesa beharko dute behin betiko proiektua onartzeko.
Osakidetzak asistentziarako 22 anbulantzia eta esku-hartze azkarreko 5 ibilgailu erosiko ditu
EH Bilduk Eusko Legebiltzarreko kontrol saioan egindako galdera bati erantzunez iragarri du lizitazio hori Alberto Martinez Osasun sailburuak. Urte amaierarako aurreikusita dago, eta 10,9 milioi euro bideratuko dira horretarako.
Imanol Pradales: "Egonkortasuna bermatzea da nire eginkizuna, harremanak onak dira gobernuaren baitan"
Eneko Anduezak EAJren zuzendaritzarekin duen harremana lehen bezain ona ez dela esan ondoren, lehendakariari gobernukideen arteko harremanaz galdetu diote. Pradalesek esan du gobernuak ondo funtzionatzen duela. "Hori da gizarte honek espero duena", eta egonkortasuna mantentzea bere "ardura" dela gaineratu du.
Pradalesek eta Chivitek sinatutako lankidetza protokolo berriak mugikortasunari, trafikoari eta kulturari lotutako berrikuntzak dakartza
Protokolo berriak osasuna, industria eraldaketa, kultura eta euskara ditu ardatz. Guztira, 42 lankidetza arlo biltzen ditu, aurreko akordioak baino 13 gehiago.
Melgosak dio Bernedoko kanpamentuko arduradunek legea urratu zutela, jarduerak "modu klandestinoan" antolatuta
Bernedoko kanpamentuan gertatutakoaren eta ustezko delituen erantzukizuna antolatzaileei leporatu die Nerea Melgosa Eusko Jaurlaritzako Ongizate, Gazteria eta Erronka Demografikorako sailburuak; izan ere, jarduera horiek "modu klandestinoan" antolatu zituzten. "Dena dela, errugabetasun-presuntzioa gorde behar da, epaiketa paralelorik gabe", gaineratu du.
EH Bilduk eta BNGk bilera egin dute Bilbon, egungo egoera politikoa aztertzeko
EH Bilduko eta BNGko ordezkariek bilera egin dute gaur goizean Bilbon, koalizio abertzalearen egoitzan, egungo egoera politikoa eta nazioarteko egoera aztertzeko.
Berriozabal: "Hau ez da EAJren eta PSE-EEren arteko harreman arazo bat, Anduezak EAJrekin hartu duen jarrera baino ez da"
Eneko Anduezaren adierazpenak gorabehera, EAJren eta PSE-EEren arteko harremana ona dela nabarmendu du Jone Berriozabal EAJren Araba Buru Batzarreko presidenteak.