Erreakzioak Portu eta Sarasolaren tratu txarren auzian Espainiari jarritako zigorrari
Igor Portu eta Mattin Sarasola ETAko kideek aurkeztutako tortura salaketaren auzian, Europako Giza Eskubideen Auzitegiak Espainia zigortu izanak erreakzio soka luzea eragin du.
Etorkizunean berriro horrelakorik errepika ez dadin neurriak hartzeko eskatu diote Eusko Jaurlaritzak eta EAJk Espainiako Gobernuari eta EH Bilduk, ostera, errealitate hori onartzeko. Sortuk epai historikoa dela iritzi dio eta Unidos Podemosek, berriz, Espainiari jarritako zigor berri honengatik lotsa sentitzen duela dio.
Eusko Jaurlaritza
Josu Erkoreka Eusko Jaurlaritzako bozeramailearen esanetan, Espainiako Gobernuak kontuan hartu behar du Estrasburgoko Auzitegiak jarri dion zigorra. Ez hori bakarrik, "neurriak" hartu behar ditu "gisa honetako egoerak etorkizunean errepika ez daitezen".
Erkorekak azpimarratu duenez, orain arte aipaturiko auzitegiak zortzi aldiz zigortu du estatu espainiarra tortura salaketak ez ikertzeagatik. Oraingoan, ordea, "urrats bat gehiago" egin duela uste du Eusko Jaurlaritzak; izan ere, oraingoan frogatutzat jo du tratu txarrak gertatu zirela.
EAJ
Aitor Esteban EAJk Espainiako Diputatuen Kongresuan duen bozeramaileak, ostera, Estrasburgoko Auzitegiak jarritako zigorra aintzat hartzeko eskatu dio Espainiako Gobernuari, garrantzirik gabekoa ez dela iritzita".
Estebanek zigor honi buruz galdetuko dio Mariano Rajoy Espainiako Gobernuko presidenteari asteazken honetan, Diputatuen Kongresuan.
EH Bildu
Marian Beitialarrangoitia EH Bilduko diputatuak gogorarazi du gaur Torturaren aurkako Eguna dela, eta deia egin dio Espainiako Gobernuari tortura “errealitatea” dela aitortzeko. “Utzi salbuespena dela esateari”, azpimarratu du.
Bere aldetik, Arkaitz Rodriguez Sortuko idazkari nagusiak “historiko”tzat jo du epaia, lehen aldia baita Estrasburgoko Auzitegiak tratu txarrak frogatutzat eman dituena.
Unidos Podemos
Irene Montero Unidos Podemosen bozeramaileak aitortu du “lotsatuta” dagoela zigorragatik. “Gobernuak serio hartu beharko lituzke demokrazia eta Giza Eskubideak”, aldarrikatu du.
Horren ildotik, Monterok adierazi du “Estatu demokratiko batean”, Gobernuak “pertsona guztien” giza eskubideak “bermatu” behar dituela.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.