Carles Puigdemonten atxiloketak eragindako erreakzioak
Elsa Artadi JxCat koalizioko bozeramaileak gaur ohartarazi duenez, "Espainiak ez dio bidezko epaiketa bermatuko" gaur eguerdian Alemanian atxilotutako Carles Puigdemont Generalitateko presidente ohiari, "mendekua eta errepresioa" baizik.
Twitter bidez argitaratutako mezu baten arabera, "minutuz minutu jarraitzen" ari da Puigdemonten egoera Alemanian, "hango lan taldearekin eta abokatuekin harremanetan".
Quim Torrak (JxCat), bere aldetik, "Puigdemonten atxiloketa ez dela Alemaniaren gaia esan du Twitteren, "Europar Batasunak du ardura orain", azpimarratu du.
Alemaniako agintariekin eta Puigdemonten abokatuarekin harremanetan dagoela esan du Torrentek
Carles Puigdemonten abokatuarekin eta Alemaniako agintariekin harremanetan dagoela baieztatu du Roger Torrent Kataluniako Parlamentuko presidenteak. Horrez gain, eskubideak eta askatasuna defendatzeko "fronte bateratua" eraikitzeko beharra azpimarratu du.
CUPek "errepresioa" salatu du eta Puigdemont aske uztea eskatu dio Alemaniari
Carles Riera CUPeko diputatuak "estatu espainiarraren errepresio antidemokratikoa" salatu du, Carles Puigdemont presidente ohia Alemanian atxilotu dutela jakin ostean. Halaber, "borondate demokratikoa" erakutsi dezan eskatu dio herrialde alemaniarrati, politikari kataluniarra askatuta.
"Estatu espainiarraren errepresioan eta antidemokrazian" ez erortzeko deia egin dio Alemaniari Rierak Molins de Rei (Bartzelona) herrian kazetariei egindako adierazpenetan.
Vilalta (ERC): "Ez du inolako zentzurik asmatutako delitu baten ondorioz estraditatzeak"
Marta Vilalta ERCko bozeramailea berriaren esanetan, "ez dauka zentzurik asmatutako delitu batzuen ondorioz estraditatzeak, jazarpen politikoa agerian" uzten delako.
Iñigo Urkullu lehendakariak hausnarketa sakona eta lasaia eskatu du
Iñigo Urkulluk sare sozialen bidez eman du gertatukoaren inguruko iritzia. Azken hilabeteotan Kataluniari eta estatu espainiarrari buruzko gogoeta sakona eta lasaia egitea ez dela posible berretsi du.
Maddalen Iriartek (EH Bildu) babes osoa adierazi dio Puigdemonti
EH Bilduk Eusko Legebiltzarrean duen bozeramaileak, Maddalen Iriartek, babes osoa adierazi die Puigdemonti, gainerako kontseilariei eta Kataluniako herriari, bizi duten egoera salatuz, Twitter bidez:
Maillo (PP): "Ezin da betirako ihes eginda bizi"
"Ezin dela beti ihesean bizi" esan du Fernando Martinez-Maillo PPko koordinatzaile nagusiak Carles Puigdemonten atxiloketaren inguruan. Euroaginduaren ondorioa dela gaineratu du, Espainiaren Europako bazkideak "ebazpan judizialak logikaz betetzen" dituztelako.
Bestalde, Xavier Garcia Albiol PPk Katalunian duen buruzagiak baieztatu duenez, Puigdemonten atxiloketak "Espainia EBko herrialde bat dela berretsi du".
Rivera, Puigdemonten atxiloketaz: "Amaitu da kolpistaren ihesa"
Albert Rivera Ciudadanos alderdiko presidenteak pozik agertu da Puigdemont atxilo hartu dutelako, Twitter bidez jakinarazitakoaren arabera: "Amaitu da kolpistaren ihesa".
Pedro Sanchez: "Inor ez dago legearen gainetik"
Pedro Sanchez PSOEko idazkari nagusiak "inor ez dagoela legearen gainetik" esan eta politika Konstituzioaren baitan dagoela azaldu du, eta hortik kanpora "ez dago ezer". Gainera, erabaki judizialak "errespetatzen" dituela argudiatu du, segurtasun indarrei babesa erakusteaz gain.
Iglesiasen aburuz, Kataluniako krisia ez da atxiloketen bidez konponduko
Kataluniako krisi politikoa "ez atxiloketekin, kartzelarekin eta politika epaitegietara eramanez" konponduko, esan du gaur Buenos Airesen Pablo Iglesias Podemos alderdiko idazkari nagusiak.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.