ETAko militantziaren % 93ak onartu du antolakuntzaren amaiera
ETA amaitzeko prozesuan egindako eztabaida eta bozketaren inguruko datuak azaltzen dituen Barne Komunikazio Orokorra zabaldu du gaur antolakuntzak. Militanteen % 93ak (997) babestu du zuzendaritzaren proposamena, % 4ak baztertu, eta % 3ak abstenitu edo zuri bozkatu du.
ETAko egitura guztietan egin da kontsulta: arlo operatiboan, kartzeletan, erbestean eta kide 'legalen' artean.
Horrez gain, ETAkoak ez diren beste hainbat militantek ere hartu dute parte gogoeta-prozesuan, igande honetan antolakuntzak naiz.eus eta Berria hedabideetan argitaratutako Barne Komunikazio Orokorraren arabera. Guztira, 2.500 eta 3.000 bat pertsonak izan dute prozesuaren berri.
Hiru testu, bozketa bat
ETAko zuzendaritzak hiru testu helarazi ditu eztabaida-prozesuan. Horietako batek bozkatu den proposamen politikoa bildu du; beste biek, berriz, hausnarketaren testuingurua azaldu dute.
Militanteek ekarpenak eta proposamenak egin ahal izan dituzte. Zuzendaritzak azaldu duenez, gogoeta kolektiboak lehenetsi nahi izan dituzte, banakoen aurretik. Proposamen osoaren bozketa egin dute, eta ez zatika.
Bozketan onartuz gero, ekimena burutu egingo zutela garbi utzi zuten hasieratik txostenean; baztertu izan balitz, ordea, gehiengoaren argudioetan oinarritutako prozesua abiatuko litzateke.
Batzorde teknikoa
Militanteek baztertu egin dute ETAren amaieraren ondorioak Kudeatzeko Behin-behineko Batzorde Teknikoa sortzea, "desegitea behin-betikoa dela" zalantzan ez jartzeko.
Eztabaidaren ekarpen guztiak barne-txosten batean bildu dituzte, milintanteek "prozesuaren ideiak, argudioak eta kezka nagusiak" jakin ditzaten. Azkenik, jarduera armatua laburtu, eragindako minaren onartu eta hildako militanteak omenduko dituen txosten orokor bat egitea aurreikusi dute.
Zure interesekoa izan daiteke
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.