Kataluniarako proiektua azaltzea eskatu dio Torrak PSOEri mozioa babestu aurretik
Quim Torra Generalitateko presidenteak gaur Lleidan iragarri duenez, Pedro Sanchez PSOEko idazkari nagusiak Kataluniarako duen proiektuaren berri jakin nahi du, PPren Gobernuaren aurka aurkeztutako zentsura-mozioa babestu ala ez erabakitzeko.
Autodeterminaziorako eskubideari buruz eta eskubide zibil eta politikoei buruz zer duen esateko galdetu dio Generalitateko presidenteak Pedro Sanchezi.
"Hori jakiten dugunean, guk erantzungo dugu. Preso politikoen askatasuna, herbesteratutakoen itzulera eta autodeterminaziorako eskubidea ez kriminalizatzea Kataluniako Gobernua sustengatzen duten oinarrizko gakoak dira", ohartarazi du Torrak.
"Frankismo garaian, katalanistek eta sozialistek elkarrekin egiten genuen borroka ideia berdinen alde. Herrien autodeterminaziorako eskubidearen alde egiten genuen lan batera. Non daude sozialista espainiarrak gaur?", galdetu du Torrak.
Zentzu horretan, Generalitateko presidentearen iritziz, "Kataluniarentzat nahi dugun askatasun bera nahi dugu Espainiarentzat, eta horrek gaur egun errepublika izena du".
Azkenik, "koloreak, adierazpenak eta lazo horiak" ez kriminalizatzea eskatu dio Torrak publikoki Angel Ros Lleidako alkateari, Rosek lazo horiek eremu publikoetatik kentzeko egindako eskariaren harira.
Zure interesekoa izan daiteke
Espainiak muga-kontrolak berrezarri dizkie Italiatik datozen bidaiariei
Portu eta aireportuetako kontrolak irailaren 7ra arte egongo dira indarrean, eta ausaz egingo dituzte, Italiak bizi duen migrazio-presioaren aurrean.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.