2007 eta 2008ko Valentziako PPren finantziazioa legez kanpokoa izan zela dio epaileak
2007 eta 2008 urteetako (Francisco Camps zuzentzen zuen garaian) Valentziako PPren hauteskunde kanpainetako finantziazio sistema irregularra izan zela uste du Jose Maria Vazquez Honrubia Auzitegi Nazionalak.
Epaileak jakitera eman duenez, PPk Gurtel sarea erabili zuen Valentziako hauteskunde kanpainak "B" dirua eta enpresariek ordaindutako faktura faltsuak erabiliz finantzatzeko, horrela aitortu baitzuten enpresariek epaiketa hasi zenean; alderdia finantzatzeko 1,2 milioi euro ordaindu zituztela aitortu zuten, hain zuzen.
Hori horrela, Auzitegi Nazionalak espetxe zigorra ezarri du epaiketako 20 lagunetatik 18ri.
POLITIKARIAK:
1. Ricardo Costa: 4 urteko espetxe zigorra, Valentziako PPko idazkari nagusi eta Valentziako Gorteetako bozeramaile ohiarentzat.
2. Vicente Rambla Valentziako Gobernuko presidenteordea absolbitua izan da.
3. David Serra: 3 urte eta 8 hilabeteko espetxe zigorra, Valentziako PPren idazkariorde ohiarentzat.
4. Cristina Ibañez: 3 urte eta 4 hilabeteko espetxe zigorra, Valentziako PPren kudeatzaile ohiarentzat.
5. Yolanda Garcia: 4 hilabeteko espetxe zigorra, Valentziako diruzain ohiarentzat.
SAREA:
6. Francisco Correa: 5 urte eta 3 hilabeteko espetxe zigorra, Gurtel sareko ustezko buruarentzat.
7. Pablo Crespo: 5 urteko kartzela-zigorra, Galiziako PPko Antolakuntza idazkari ohiarentzat.
8. Alvaro Perez, 'El Bigotes': 6 urte eta 9 hilabeteko espetxe zigorra, Correaren Valentziako "gizonarentzat", eta Orange Market enpresako arduradunarentzat.
9. Candido Herrero: 5 urte eta hilabete bateko espetxe zigorra, Orange Market enpresako kudeatzaile ohiarentzat.
10. Jose Ramon Blanco Balin: 3 urteko espetxe zigorra, Repsol YPFko zuzendariorde ohiarentzat eta Orange Marketeko finantza-aholkulariarentzat.
ENPRESARIAK:
11. Vicente Cotino: Urte bat eta 3 hilabeteko kartzela-zigorra, baina isunetan ordaindu beharko du.
12. Enrique Ortiz: Urte bat eta 3 hilabeteko kartzela-zigorra, baina isunetan ordaindu beharko du.
13. Rafael Martinez: Urte bat eta 6 hilabeteko kartzela-zigorra, Alacanteko patronaleko presidente ohiarentzat, baina isunetan ordaindu beharko du.
14. Tomas Martinez: Urte bat eta 6 hilabeteko kartzela-zigorra; isunetan ordaindu beharko duena.
15. Antonio Pons: Urte bat eta 9 hilabeteko kartzela-zigorra, isunetan ordaindu beharko duena.
16. Alejandro Pons: Urte bat eta 9 hilabeteko kartzela-zigorra, isunetan ordaindu beharko duena.
17. Gabriel Alberto Batalla: Urte bat eta 9 hilabeteko kartzela-zigorra, isunetan ordaindu beharko duena.
18. Jose Francisco Bevia: Urte bat eta 3 hilabeteko kartzela-zigorra, isunetan ordaindu beharko duena.
19. Jose Enrique Fresquet: Absolbitu dute.
20. Enrique Gimeno: Urte bat eta 9 hilabeteko kartzela-zigorra, isunetan ordaindu beharko duena.
Zure interesekoa izan daiteke
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.