Junqueras, Romeva, Sanchez, Cuixart, Bassa eta Forcadell, Kataluniako kartzeletan
Oriol Junqueras Generalitateko presidente ohia, Raül Romeva kontseilari ohia, Jordi Sanchez JxCaten diputatu eta ANCren buru ohia eta Jordi Cuixart Omnium Culturaleko presidente ohia Kataluniako Lledoners kartzelan daude dagoeneko (Bartzelona). Generalitateak jakinarazi duenez, 13:30ean sartu dira Sant Joan de Vilatorrada udalerriko espetxean.
Carme Forcadell Kataluniako Parlamentuko presidente ohia eta Dolors Bassa Lan kontseilari izandakoa, berriz, 16:15 aldera sartu dituzte Gironako Puig de les Basses kartzelan. Bi emakumeok goizean atera dituzte Alcala Mecoko emakumeen kartzelatik (Madril) eta handik zuzenean eraman dituzte Kataluniara. Espetxe Zuzendaritza Nagusiak jakinarazi duenez, 08:30 aldera abiatu dira Guardia Zibilaren ibilgailu batean.
Lau gizonak astelehenean atera zituzten Estremerako eta Soto del Realgo espetxeetatik eta Valdemoroko kartzelan igaro zuten gaua. Atzo, asteartea, Zuerako (Aragoi) espetxera lekualdatu zituzten, eta gaur goizean abiatu dira handik Kataluniara Guardia Zibilaren bi furgonetatan. Eguerdian geldialdi teknikoa egin dute Kataluniako Brians II kartzelan, eta presoak Esquadra Mossoen zaintzapean gelditu dira. Kartzela nahiko berria da, 2008an inauguratutakoa.
Espetxearen atarian dozenaka lagun elkartu dira kamiseta horiak soinean eta esteladak eskuan. Halaber, "Preso politikoak aske" eta "Etxean nahi zaituztegu" zioten mezuak erakutsi dituzte.
Dozenaka lagun elkartu dira Lledoners kartzelan. Argazkia: EFE
Puig de les Basses espetxearen atarian ere dozenaka lagun elkartu dira, Bassa eta Forcadell politikariei babesa adierazteko. Kartzela hori 2014. urtean inauguratu zuten, eta 700 preso inguru daude bertan, emakumeen moduluan, 35.
Torra eta Torrent
Quim Torra Katauniako presidenteak eta Roger Torrent Kataluniako Parlamentukoak agerraldia egin dute, "preso politikoen askatasuna" aldarrikatzeko. Biek ukatu egin dute hurbilketaren atzean Estatuarekin hitzartutako akordio bat dagoela. "Legea bete baino ez da egin, presoak hurbilduta", esan dute.
Lledoners espetxearen atarian, arratsaldean, deitu dituzten mobilizazioetan parte hartu du Torrak. Torrentek, berriz, Forcadell eta Bassa bisitatu ditu gaur bertan.
Forn, Turull eta Rull ere, laster
Pablo Llarena Auzitegi Goreneko epaileak Madrilen geratu diren hiru presoak Kataluniara eramateko baimena eman zuen atzo, eta Espetxe Zuzendaritzari dagokio orain Kataluniako kartzela batera eramateko agindua ematea.
Zure interesekoa izan daiteke
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.
Madrilgo Erkidegoko sei alkate ohi zigortu dituzte "Punica" ustelkeria sareagatik
Auzitegi Nazionalak "praktika ustelak" egotzi dizkie David Marjaliza enpresaburuari, Cofelyko arduradunei eta Madrilgo hainbat udalerritako alkate ohiei, gehienak PPkoak. Guztira, 29 pertsona zigortu ditu ANk.
Miguel Angel Gallardok dimisioa eman du Extremadurako sozialisten idazkari nagusi gisa
Extremadurako sozialisten idazkari nagusiak kargua utzi du, igande honetan PSOEk Extremaduran izan dituen inoizko emaitzarik txarrenak lortu ostean.
Chivitek gobernatzen jarraituko duela esan du, "batzuek Gobernua ezegonkortu dadin saiatzen jarraituko duten arren"
Eguberriak zoriontzeko asmoz astelehen honetan Nafarroako Jauregian egindako ekitaldi batean, presidenteak adierazi du bere gobernuak onartutako aurrekontuekin eta "zergadunen % 70ri inguru lagunduko dioten neurri fiskalekin" amaitzen duela urtea.
Eusko Jaurlaritzak zalantzan jarri du abenduaren 29ko Transferentzien Batzorde Mistoa egingo denik
Ubarretxenak ohartarazi du Espainiako Gobernuak “atzera egin” duela, eta Euskadik ez duela “erdipurdiko edo hutsaldutako” transferentziarik onartuko.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarriak etxegabetzea debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.