Junqueras, Romeva, Sanchez eta Cuixart Zaragozako espetxean daude dagoeneko
Oriol Junqueras Kataluniako presidenteorde ohia, Raul Romeva kontseilari ohia, Jordi Sanchez ANCko presidente ohia eta Jordi Cuixart Omniumeko presidentea Zuerako (Zaragoza) kartzelan daude jadanik.
Matxinadagatik auzipeturik eta behin-behineko espetxealdian dauden lau buruzagi independentistak 14:50 aldera heldu dira Zaragozako espetxera. Valdemorotik furgonetan eraman dituzte goizean, lekualdaketaren berri duten iturriek jakitera eman dutenez. Junqueras eta Romeva Estremerako kartzelan zeuden, eta Sanchez eta Cuixart Soto del Realeko presondegian.
Gaua bertan igaroko dute, eta biharamunean Can Briansera eramango dituzte. Han presoak Kataluniako kartzeletan banatzeko ardura hartuko dute Mossoek, iturrien arabera.
Madrilgo kartzeletan dauden bederatzi preso independentista katalanetatik sei haien herrialdeetako espetxeetara hurbiltzeko prozesuak segida izan du astearte honetan. Oriol Junqueras, Raul Romeva, Jordi Sanchez eta Jordi Cuixart kontseilari ohiak Valdemoroko (Madril) espetxean bildu zituzten astelehenean, eta Zaragozara lekualdatu dituzte egunean zehar.
Bassa eta Forcadell Alcala Mecoko espetxetik, hau ere Madrilen, eramango dituzte Kataluniara.
Seiek joan den astean eskatu zuten hurbiltzea. Pablo Llarena Auzitegi Goreneko epaileak probidentzia batean erantzun zuenez, ez dago Madrilen mantentzeko "arrazoi prozesalik".
UPROSE Guardia Zibilak tankera honetako lekualdatzeetan aditua den unitateak zuzendu du prozesua. Gizonezkoak furgoi polizial berean eraman dituzte. Konboia 10:00ak jota atera da Valdemorotik.
Gizonak, Vilatorradara; emakumeak, Figueresera
Lekualdatzearen xehetasunen berri duten iturrien arabera, astearteko gaua Zuerako kartzelan (Zaragoza) emango dute seiek, eta handik, asteazkenean, Kataluniara eramango dituzte. Herrialde katalanetan sartu bezain pronto Esquadra Mossoen esku geratuko dira, eta Kataluniako espetxe zuzendaritzak ezarritako espetxeetara eramateko.
Generalitateak eta Mossoek lekualdatzea kudeatzeak kezkarik eragiten ote dion galdetu diote gaur Fernando Grande-Marlaska Barne ministroari. Esan duenez, "ez dago mesfidati izateko inolako arrazoirik".
"Zuzenbide Estatu batean bizi gara, aspaldi egin ziren transferentziak. Nola kezkatuko gaitu ba? Administrazio guztietan dugu konfidantza. Ez dago mesfidati izateko arrazoirik", nabarmendu du.
Iturriek baieztatu dutenez, gizonezkoak Vilatorradan (Bartzelona) dagoen Lledoners de Sant Joan espetxera eramango dituzte, eta emakumeak, Puig de les Basses (Figueres, Girona). Kataluniako kartzela berrienetakoak dira biak.
Turull, Rull eta Forn, zain
Hiru preso independentista —Jordi Turull, Josep Rull eta Joaquim Forn— Madrilen daude oraindik, Estremerako kartzelan preso.
Eurek ere lekualdatzea eskatu zuten, baina eskaera geroago heldu zen Gorenera. Hala, litekeena da epaileak astearte honetan jakinaraztea bere erabakia.
Barne Ministerioak azaldu duenez, hiru preso horiek "aurrerago" eramango dituzte Kataluniara.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.