Gorenak baieztatu egin du matxinada delitua U-1eko erreferendumaren auzian
Auzitegi Gorenak baieztatu egin du matxinada delitua epaitzea Kataluniako urriaren 1eko erreferendumaren auzian, tartean Carles Puigdemont presidente ohiaren eta Oriol Junqueras presidenteorde ohiaren kasuetan.
Apelazio Aretoarentzat "nahikoa zentzuzkoa" da gertakari horiek matxinada delitu gisa epaitzea, "altxamendua" izan zelako, boterea "asmo txarrarekin" erabilita Kataluniaren independentzia lortzen saiatu ziren heinean.
Gorenak autoa kaleratu du auzi horretan sartutako hamabost lagunen helegiteak errefusatzeko, eta horrela Pablo Llarena instrukzio epailearen erabakia babestu du.
Auzipetutako 25 lagunetako 13ri matxinada delitua leporatzen diete, tartean Jordi Sanchez ANCren presidente ohiari, Jordi Cuixart Omniun Culturalaren presidenteari; Jordi Turull, Josep Rull eta Raül Romeva kontseilari ohiei; Carme Forcadell Parlamentuko Mahaiaren presidente ohiari; eta Marta Rovira ERCren idazkari nagusiari.
Gorenak autoan azaldu duenez, erreferenduma egiteko indarkeria erabili zen, gutxienez irailaren 20an Ekonomia Kontseilaritzan protesta egin zenean eta urriaren 1eko errefrerendumean.
Gainera, ez du uste zentzugabea denik "altxamendua" izan zela pentsatzea, erkidegoak Konstituzioa, Estatutua eta "kontra duen ordenamendu juridiko osoa" bertan behera utzi zituelako.
Hori horrela, Gorenak argi du "armarik gabeko matxinada" ere posible dela, nahiz eta tipo penalak arma bidezko adierazpen militarrak aipatu, indarkeria erabiltzea soilik nahikoa dela iritzi dio.
Dirua bidegabe erabiltzeari dagokionez, Gorenak uste du zantzuak daudela delitu hori 14 laguni leporatzeko: "Engainu sistema bat antolatu zen, modu egokian prestatutako aurrekontuaren itxurapean erreferenduma egiteko dirua bideratzeko".
Bestalde, Gorenak azpimarratu du ez direla proiektu politikoak jazartzen, "baizik eta helburuak lortzeko indarkeriara jo dutenak, nahiz eta beste pertsona batzuk gauzatu indarkeria, haiek zuzenean edo zeharka sustatutakoa zen".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.