Desagertuen gorpuzkiak lurpetik ateratzeko lanak finantzatuko ditu Gobernu zentralak
2007ko Memoria Historikoaren Legea eguneratzea beharrezkoa dela azpimarratu ondoren, Espainiako Gobernuak araudia erreformatzeko asmoa duela aurreratu du Dolores Delgado Justizia ministroak. Oposizioan zegoenean, PSOEk aurkeztu zuen lege-proposamenaren ildotik joko dutela iragarri du ministroak. Orduan Mariano Rajoyren Exekutiboak atzera bota zuen proposamena.
Ministroaren hitzetan, “salbuespenezko auzitegi frankistak eta haien epaiak baliogabetu, gorpuzkiak lurpetik ateratzeko lanak sektore publikotik bultzatu, egiaren batzorde bat sortu, Eroritakoen Haranari esanahi berri bat eman (2011n Adituen Batzordeak egindako azterketaren arabera), Gerra Zibila zein diktadura goratzeko ikurrak kentzeko” helburua du erreformak. Horretara behartzeko “zigor ekonomikoak” planteatu ditu.
Gainera, “frankismoaren apologia egiten duten elkarte edo mugimenduak legez kanpo uzteko” modua aztertuko dutela aurreratu du Justizia ministroak. Zentzu horretan, Francisco Franco Fundazioa aipatu du Delgadok.
“Mekanismo egoki eta eraginkorren bidez egia ezagutzeko borondatea eta konpromisoa dugu, frankismoko biktimen erreparaziorako eskubidea bermatuz eta berriro ez errepikatzeko bermeak lortuz”, esan du Delgadok Diputatuen Kongresuan.
Horregatik, Memoria Historikoaren Zuzendaritza Nagusi berri bat sortuko du Justizia Ministerioak. Delgadok azaldu duenez, “desagertuak bilatzeko egitasmoak” prestatzeko ardura izango du. Horretarako, “Zuzenbide, Arkeologia eta Antropologia Forentseko adituen” laguntza izango du, baita “memoria eta biktimen elkarteetako ordezkariena ere”.
Urteko lanen datuak eta aurkitutako pertsonen, eskaeren eta emaitza positiborik gabeko indusketen kopuruak jakitera emango ditu zuzendaritza nagusi horrek, ondoren Estatuko Aldizkari Ofizialean edo erkidegoen aldizkari ofizialetan argitaratzeko. Bestalde, Gerra Zibileko eta diktadurako biktimen errolda ofizial bat argitaratuko dute.
Azkenik, Frankismoaren Biktimei Laguntzeko Bulegoa berriro zabaltzea proposatu du Exekutiboak, Delgadok nabarmendu duenez.
Zure interesekoa izan daiteke
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.