PPk boto partikularra aurkeztu du Estatutu berrirako proposamenaren aurka
Euskadiko PPk Estatutu berrirako EAJk eta EH Bilduk adostutako proposamena erretiratzeko eskatu du astelehen honetan, "legez kanpokoa" eta "bideraezina" dela iritzita. Aldi berean, egonkortasuna arriskuan jarriko lukeela eta Estatuarekin fronte berri bat abiatzea eragingo lukeela uste du.
Alfonso Alonso Euskadiko PPko presidenteak bere alderdiaren boto partikularra erregistratu du gaur goizean Eusko Legebiltzarrean, alderdiko legebiltzarkideak lagun zituela.
Boto partikularra erregistratu ostean, Alfonso Alonsok eta Borja Semper legebiltzarkide popularrak prentsaurrekoa eskaini dute. Alonsok salatu duenez, testu berria "ezinezko juridiko" bat da, aurreko Estatutua "likidatzea" proposatzen duena. "Proposamena legez kanpokoa eta demokraziaren aurkakoa da. Nazionalen eta hiritarren arteko bereizketa egiten du eta aurreikuspen konstituzional oro gainditzen du. Burujabetza nazionalari uko egin ezean bideraezina da, eta zatiketa eszenatoki bat irekitzen da. Aurrera jarraituz gero, gatazka politikoa eragingo du", ohartarazi du Alonsok.
Alonsoren esanetan, "ziurgabetasuna" nagusituko litzateke, eta errekuperazio ekonomikoa, egonkortasun instituzionala eta elkarbizitza arriskuan jarriko lirateke.
Hori dela eta, Estatutu berrirako oinarrien proposamena erretiratzea eskatu du PPk, testu artikulatua idazteko ardura aditu talde baten esku utzi aurretik.
"Legearengan konfiantza daukagu", ziurtatu du Euskadiko PPko presidenteak. Halaber, ez du baztertu konstituzio-kontrakotasuneko aurretiazko errekurtsoa aurkeztea.
Bestalde, PPk egungo Gernikako Estatutua aldarrikatu du. Dena den, hobekuntzak egin ahal zaizkiola onartu du.
Zure interesekoa izan daiteke
Lurpetik atera dituzte beste bi borrokalariren gorpuzkiak Saibin (Urkiola)
Igande honetako lan berrietan, beste bi gudarien gorpuzkiak lurpetik atera dituzte Saibin (Urkiola). Horiekin, dagoeneko 5 pertsonaren gorpuzkiak aurkitu dira 2023tik.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.