'Txeroki'ri 18 urteko zigorra ezarri diote 2002an kazetari bat hiltzen saiatzeagatik
18 urteko espetxe-zigorra ezarri dio Auzitegi Nazionalak Garikoitz Aspiazu Rubina Txeroki ETAko kideari, 2002an Maria Luisa Guerrero Antena 3 telebistako kazetaria bonba-pakete batekin hiltzen saiatzeagatik.
Gainera, biktimari 100.000 euroko kalte-ordaina eman beharko dio, beste 50.000 euro biktimaren ahizpari, eta 50.000 euro gehiago amaren oinordekoei; izan ere, lehergailua bidali zutenean ama etxean zegoen, 3 urteko bilobarekin batera. Pakete-bonba ahizpak jaso zuen.
Txeroki K Olaia taldeko kidea zela frogatutzat jo du gai penaletarako aretoak. Idoia Mendizabal Mugika eta Asier Arzalluz Goñi gertakari berdinengatik zigortu zituzten. Hirurek kazetaria akabatzea erabaki zuten. Berriemailea ETAren jomuga zen, gutxienez 2000 urteaz geroztik. Horretarako, Leioako (Bizkaia) etxera paketea bidali zioten. Ertzaintzako artezilariek lehergailua indargabetu zuten, eta ez zuen eztandarik egin.
Confebask enpresaburu elkartearen izenean bidali zuten paketea. Sententziaren arabera, “etxebizitzan bizi zen edozein pertsona arriskuan jarri zuten bonba-paketea helbide horretara bidalita, eta ETAko kideak horren jakitun ziren”.
Epaiak azaldu duenez, zapata-kaxa baten tamainako kartoizko kutxa bat zen, eta 230 gramo dinamita-goma zituen, pila batzuekin elikatutako detonagailu elektriko batekin. Bonba kaxa irekitzean lehertu behar zen.
Paketea kazetariaren amak jaso zuen, eta segidan alabari telefonoz deitu zion. Honek ez ukitzeko eskatu zion, ez zuelako inolako bidalketarik espero. Ondoren Ertzaintzari abisua eman zioten. Ertzainak bertaratu ziren, eta bonba-paketea kalean indargabetu zuten.
Txeroki ETAko buruzagi militarra Frantziako hegoaldean atxilotu zuten, 2008ko azaroan. Auzi ezberdinetan zigortu dute dagoeneko, eta zigorra betetzen ari da bertan.
Zure interesekoa izan daiteke
"Immobilismoa ez da aukera bat", ohartarazi dio Sumarrek Sanchezi, eta aldaketak eskatu dizkio berriro
Ernest Urtasunek adierazi duenez, legealdiko une "oso larria" da, PSOEri eragiten dioten ustezko ustelkeria kasuak eta buruzagi sozialisten aurkako sexu-jazarpen salaketak direla eta.
Sanchez Junquerasekin (ERC) bilduko da urte hasieran, legegintzaldian aurrera nola egin aztertzeko
Juntsi dagokionez, Pedro Sanchezek aitortu du Kataluniako alderdiarekin "harremana hautsita" dagoela, baina akordioak betetzeko "erabateko borondatea" agertu du.
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.