Diadak presoen eta erbesteratuen askatasuna aldarrikatuko du
Politikari presoen eta erbesteratuen askatasuna aldarrikatzeko ekitaldi bat antolatu dute Generalitateak eta Parlamentak irailaren 11rako, Diadan.
Elsa Artadi Presidentetza kontseilariak eta Josep Costa Parlamenteko presidenteordeak ekitaldien berri eman dute prentsaurrekoan. Irailaren 10ean, Mestres Rosa Sensat elkarteari Parlamentaren Urrezko Domina emango diote, eta Quim Torra Generalitateko presidenteak lore eskaintza egingo du Fossar de les Moreresen.
Astelehenean bertan, Canigoren sugarra 20:30 aldera Parlamentera heltzea espero da, Ciutadellako Parketik Sant Jaume plazara abiatzeko, Born pasealekutik. Plazan ikuskizuna izango da.
Horrela, ekitaldi instituzionalak “preso politikoen eta erbesteratuen askatasuna” eskatuko du, 'askatasunaren martxa' batekin. Quim Torra Generalitateko presidentea eta Roger Torrent Parlamenteko presidentea mobilizazioaren buruan izango dira.
Sugarra Generalitatearen jauregira arte eramango du 'askatasunaren martxak', “erakundeetara indarra eta itxaropenak itzultzeko, hilabeteetako iluntasunaren eta inposatutako paralisiaren ondoren”.
Artadiren hitzetan, Diada Nazionalaren lelo nagusia “preso politiko eta erbesteratuen askatasuna eta ordezkatzen duten herriaren askatasuna” izango da, “salbuespenak” markatutako urte baten ondoren; begirada “kritiko”, baina “eraikitzaile” batekin.
Aurtengo Diada Nazionala “oso berezia” dela azpimarratu du Presidentetza kontseilariak, ikuspegi politikotik zein humanotik; izan ere, buruzagi independentistak espetxean edo atzerrian daude. Norbanako askatasunak zein kolektiboak “mehatxaturik” daudela gogorarazi du Artadik.
Era berean, Governak Diada Madrilen ospatuko du irailaren 13an, beste ekitaldi batekin. Generalitateko bozeramailea eta Presidentetza kontseilaria bertan izango dira, eta Ferran Mascarell Generalitateak Madrilen duen ordezkariak parte hartuko du.
Ohiko protokoloari jarraikiz, Governak Pedro Sanchezen Exekutiboko kideei gonbidapenak bidaliko dizkiola jakinarazi du Artadik prentsaurrekoan.
Kataluniako Gobernuak atzerrian dituen ordezkaritzek ere Diada Nazionala ospatuko dute Bruselan (irailak 12), Suitzan (irailak 9), Genevan (11 eta 13) eta Erresuma Batuan (10 eta 14).
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.