EH Bilduk, estatutu berriaren inguruko itunaz: 'Ez da independentziari buruzkoa'
Marian Beitialarrangoitia EH Bilduko diputatuak estatutu berriaren inguruan EAJrekin Autogobernu Lantaldean lorturiko akordioa defendatu du: "Ez da independentziari buruzkoa; herritarrei izan nahi dutena erabakitzeko mekanismoak ematea da kontua". Halaber, gutxiengoek beto eskubiderik ez izatearen alde agertu da.
Onda Vasca irrati kateari eskainitako elkarrizketan azpimarratu duenez, EAJk eta EH Bilduk estatutu berriaz lorturiko adostasuna "aurrerapauso handia" da. Dena den, kontra daudenen jarrera aldatzeko lan egin behar dela uste du: "Ez gaude testuan aldaketak egitearen kontra, beti ere, oinarria errespetatzen bada".
Edozein kasutan, gehiengoa nagusitzearen eta gutxiengoek beto eskubiderik ez izatea nabarmendu du: "Babes gehiagorik ez badago guztia gelditu nahi izatea gutxiengoari beto eskubidea ematea da".
Gainera, Estatuarekin harreman eredu berri bat aldarrikatu du, "berdinetik berdinera".
Bestalde, Pedro Sanchez buru duen Gobernuak eta Pablo Iglesias Podemoseko buruzagiak adostutako neurriek 2019ko Estatuko Aurrekontuen onarpena erraztu ote dezaketen galdetuta, presidenteak babes zabalagoa behar duela eta, besteak beste, Kataluniako gaia mahai gainean egongo dela adierazi du.
Beitialarrangoitiaren esanetan, Sanchezi babesa eman ala ez erabakitzerakoan EH Bilduk aintzat hartuko du Espainiako Gobernuak presoen auzian hartzen duen jarrera.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.