CDR taldeek Bartzelonako istiluekin zerikusirik ez dutela esan du Mossoen zuzendariak
Bart, U-1eko urteurrenaren manifestazioaren ondotik, Bartzelonan izandako istiluak eta Errepublikaren Defentsarako Batzordeen (CDR) jarduna bereizi ditu gaur Andreu Martinez Esquadra Mossoen zuzendari nagusiak.
Kataluniako polizia autonomikoaren buruak prentsaurrekoa eskaini du Bartzelonako Les Corts komisarian atzoko polizia-dispositiboaren inguruan azalpenak emateko. Mossoek hainbat karga egin zituzten Parlamentuaren eta Via Laietana etorbidearen aurrean bildutako manifestarien kontra.
Martinezek defendatu egin ditu karga horiek, Mossoen egitekoa "aurrez aurrekoaren bila zebiltzan talde erradikalen indarkeriazko ekintzen aurrean segurtasuna bermatzea" dela iritzita.
Torra presidenteak CDR taldeei animoak ematearen inguruan —"Estutu, jarraitu estutzen" esan zien—, ez du adierazpenik egin nahi izan Martinezek. "Ez dut horren inguruan hitz egingo. Dugun informazioaren arabera, 21:38an CDR taldeek ekintzak bertan behera utzi zituzten. Une horretan hasi ziren istiluak, batez ere Parlamentuan", azaldu du.
"Gutxiengo baten jarrera aldaketa"
Martinezen esanetan, atzoko esku-hartzea "gertakarien araberakoa eta eraginkorra" izan zen. "indarkeriazko ekintzarik ez badago, Poliziak ez du kargarik egiten. Horrela egiten dugu guk", gaineratu du.
Mossoen buruak azaldu du larunbatetik "gutxiengo baten jarrera aldaketa" atzeman dutela. "Atzo bertan, aurrez aurrekoaren bila zebiltzan talde erradikalak identifikatu genituen argi eta garbi", esan du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.