EAJk ez ditu Sanchezen Aurrekontuak negoziatuko, PPrekin adostutakoa betetzen ez bada
EAJk ez ditu 2019ko Estatuko Aurrekontu Orokorrak Pedro Sanchezen gobernuarekin negoziatuko, 2018ko kontuetan 'popularrek' jeltzaleekin hartutako konpromisoak betetzen ez baditu.
Kongresuko Bozeramaileen Batzordearen bilerara sartu aurretik Aitor Esteban EAJk Diputatuen Kongresuan duen bozeramaileak kazetarien aurrean baieztatu duenez, aste honetan bertan 2019ko aurrekontu proiektuaren inguruko lehen bilera egingo du Sanchezen gobernuarekin. Dena den, ez du batzar horri buruzko xehetasun gehiago eman nahi izan, diskrezioa argudiatuta.
"Orain arte ez da bilerarik izan. Aste honetan hasiko dira... Lehenik eta behin, Gobernuak iaz hartutako konpromisoak errespetatzeko prest dagoen ikusi behar dugu", azpimarratu du.
Iazko Estatuko Aurrekontu Orokorrek, besteak beste, 2018an pentsioak % 1,6 igoko zirela eta 2019an KPIaren arabera handituko zirela jaso zuten. Gainera, jasangarritasun faktorea indarrean jartzeko data 2023ra atzeratu zuten; izan ere, 2019rako zegoen aurreikusita. Bukatzeko, alarguntza-pentsioak arautzeko oinarria 2018an % 56ra eta 2019an % 60ra igotzea erabaki zuten. Aitzitik, gaur egungo testuak % 54ko igoera jasotzen du.
Bestalde, PPk 2018an onartutako Aurrekontuek Lanbide Euskal Enplegu Zerbitzura 26,6 milioi eta Biscay Marine Energy Platformera 5,5 milioi bideratzea aurreikusi zuten.
Amaitzeko, Estebanek Eusko Jaurlaritzak eta Espainiako Gobernuak duten harremanari buruz hitz egin du, baita Estatutua Garatzeko konpromisoaz ere. Estebanek horren harian esan du "Estatuaren aldaketaz" hausnartu behar dutela, halakorik egin ezean ez dituztelako 2019rako Aurrekontuak negoziatuko. "Horixe da Gobernuari jakinarazi dioguna", nabarmendu du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.