Erabakitzeko bidean, galdeketak 'ezinbesteko pausoak' dira Gure Esku Dagorentzat
Angel Oiarbide Gure Esku Dagoren bozeramaileak eskerrak eman dizkie Donostiako, Irungo, Balmasedako, Zallako eta Alonsotegiko herri-galdeketetan parte hartu duten 28.684 pertsonei eta beren "determinazioari esker" bozkatzea posible egin duten 2.000 boluntarioei.
Bost galdeketa horien parte-hartzea, guztira, % 12,46koa izan da.
Plataformak nabarmendu duenez, erabakitzeko eskubidearen aldeko galdeketak "Euskal Herriko biztanleen herena bizi den eremuetara iritsi dira", eta 220.000 dira "erabakitzeko eskubidea gauzatu dugun herritarrak", orain arte egindako 208 galdeketetan.
Oiarbiderentzat, boto horiek "aktiboak" dira, "etorkizuna gure eskuetan sentitzen dugunak, eta erabaki arte, norabide horretan pausoak emateko prest gaudenak".
Azaldu duenez, galdeketen lehenengo helburua, alde batetik, "ahalduntzea eta erabakitzeko eskubidearen inguruko eztabaida gizarteratzea" da, "ahalik eta herritar gehienetara" iritsiz. Zentzu horretan, dinamikaren parte da "anbizioa". "Zaila da gu asetzea, gure helburua gizartearen % 100a delako", esan du.
Bigarren helburua, bestetik, "ariketa demokratikoa eta, ondorioz, tresnak, jakinduria eta gaitasunak gureganatzea" da. Hor, Gure Esku Dagok "gizartea saretzea lortu du", eta "herritarrak aktibatzea eta ahalduntzea".
"Gaurko pausoa handia eta ezinbestekoa izan da", esan du, "loteslea izango den erreferendum batean bozkatuko dugun eguna buruan".
"Hurbiltzen ari gara erabakitzeko momentura. Eta, orain, inoiz baino determinazio gehiagorekin jarraituko dugu norabide horretan pausoak ematen", esan du.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.