Marchena epaileak uko egin dio Botere Judizialaren buru izateari
Manuel Marchena epaile kontserbadoreak uko egin dio Botere Judizialaren Kontseilu Nagusiko (BJKN) eta Auzitegi Goreneko presidente izateari. PSOEk eta PPk joan den astean adostu zuten horren hautagaitza, baina magistratuak berak errefusatu du azkenean. Astearte honetan hedabideetara bidalitako ohar batean, bere "independentzia" aldarrikatu du eta PP-PSOEren ituna baztertu.
Marchena Auzitegi Goreneko Zigor Arloko Salako presidentea da gaur egun. Botere Judizialaren Kontseilu Nagusiko presidente izateari uko eginda, Kataluniako prozesuaren epaiketa zuzentzeko ardura izango du epaile kontserbadoreak (Martinez Arrieta epaileak ordezkatu behar zutela iragarri zuten).
"Azken egunotan Auzitegi Goreneko eta BJKNko presidente izateko nire izena aipatzen duten albisteen aurrean, zehaztapenak egiteko beharra" ikusi du epaileak, eta horretarako kaleratu du agiria.
"Inoiz ez dut ulertu jurisdikzio-funtzioaren jarduna auzi baten ondorioak kontrolatzeko aukera politiko jakin baten tresna gisa", adierazi du.
Hartara, Marchenak bere karrera judizialean izandako "independentzia" aldarrikatu du. "Auzitegi Gorenean azken urteetan ebatzi ditudanak aztertuta, argi dago ez naizela inoiz politikaren menpe egon", erantsi du.
Marchenaren esanetan, "epaile gisa eduki dudan ibilbidean independentzia izan dut lege".
Erreakzioak
Epaileak bere erabaki horren berri eman ostean, Botere Judizialaren Kontseilu Nagusia berritzeko lortutako akordioa bertan behera utzi duela jakinarazi du Alderdi Popularrak, eta Marchenak kargu horri uko egin badio Espainiako Gobernuaren erruagatik izan dela adierazi du.
Popularren iritzian, Marchenak "erabaki egokia" hartu du, eta Espainiako Gobernuak "arduragabekeriaz" jokatu du negoziazioaren xehetasunak jakinarazita.
Pablo Casado buru duen alderdiak iragarri duenez, BJKNko presidentea aukeratzeko sistema erreformatzearen alde egingo du.
Bestalde, Pedro Sanchez buruzagi sozialista eta Espainiako Gobernuko presidenteak Marchenaren erabakia deitoratu du, baina "ulergarria" dela erantsi du. Izan ere, epailearen inpartzialtasuna ezbaian jarri zen.
Dena dela, epaileen erakunde gorena berritzeko negoziazioa ez eteteko eskatu dio Sanchezek PPri.
Bestalde, Ignacio Cosido PPk Senatuan duen bozeramaileak bere senatariei bidalitako WhatsApp mezuak aipatu dituzte Podemosek eta EAJk. Mezuotan, Cosido harro azaldu zen PPk Auzitegi Gorena "atzeko atetik" kontrolatuko zuelako.
Ione Belarra Podemosek Kongresuan duen bozeramailearen ustez, "presioak beste alde batetik datoz, Zigor Arloko Salan geratuko da, Cosidok aipatzen zuen horretan".
Koldo Mediavilla EAJren Politika Instituzionalerako arduradunaren arabera, Marchenaren erabakia "Justiziaren krisian izandako azken tantakada da". PPk Senatuan duen taldearen bozeramaileak WhatsApp bidez zabaldutako mezuez galdetuta, "agerian uzten dute Justiziaren politizazioa", erantzun du.
Zure interesekoa izan daiteke
Bi dekretu onartzea adostu dute PSOEk eta Sumarrek: bat krisiaren kontrako neurriekin eta bestea etxebizitzari buruzkoa
Irango gerraren ondorioak leuntzeko lege-dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairu-kontratuen luzapena eta enpresa-marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.