Absoluzioa emateko 'beldurrik ez' izateko eskatu die De Miguelen defentsak epaileei
Alfredo de Miguel Arabako EAJren buruzagi ohiaren defentsako abokatuak absoluzioa eskatu du bere bezeroarentzat, eta epaia emateko orduan "presio soziala" kontuan ez hartzeko galdegin dio epaimahaiari. La Manada auziari erreferentzia egin dio Gonzalo Susaeta abokatuak ondorioen txostena aurkezteko orduan. Abokatuaren esanetan, auzi horretan gertatu bezala, kasu honetan ere "epaiketa mediatiko eta paraleloa" izan da. Hori dela eta, "Nafarroako Auzitegian gertatutakoarekin beldurrik ez izateko" eskatu die epaileei.
De Miguel auzia Euskadin ikertutako ustelkeria auzi handiena da. 26 pertsona daude inputatuta, tartean Arabako EAJko buruzagi ohiak. Fiskaltzak 29 urte eta bederatzi hilabeteko kartzela zigorra eskatu du buruzagi jeltzale ohiarentzat, 20 delitu inguru leporatuta; eroskeria, prebarikazioa, derrigortzea edota diru publikoa bidegabe erabiltzea, besteak beste.
Susaetaren esanetan, De Miguel auziaren "abiapuntua epaiketa mediatiko eta paralelo bat izan da". "Instrukziotik bertatik ikusi dugu, ikerketa sekretupean zegoenetik. Prozesu horretan bereziki lagundu dute Legebiltzarrean egindako bi ikerketa batzordeek eta politikariek egindako mota guztietako adierazpen desegokiek", azaldu du.
"Goizero, bezperako saioan gertatutakoei buruzko iruzkin eta balorazio bitxi eta partzialak irakurtzen gosaltzen genuen. Hedabideentzat, politikarientzat —zein alderdiz ari garen gorabehera—, Twitterren aritzen den gizarte honentzat, nire bezeroak ustezko errudunak dira", azpimarratu du.
Horren aurrean, abokatuak esan du espero duela epaimahaiak "presio soziala" kontuan ez hartzea eta "beldurrik ez" izatea epaia emateko orduan. "Espero dut Nafarroako Auzitegian gertatutakoarekin beldurrik ez izatea eta epaia zigor auzietan lege diren arauak gogoan hartuta ematea. Gogoan izan ditzatela Zuzenbide estatuan herritarrek dituzten oinarrizko eskubideak", adierazi du.
Halaber, egozketa-froga baliogabe jotzea eskatu du; izan ere, Susaetaren ahotan, "zazpi hilabetez, instrukzioaren oinarri izan diren ebidentziak prozeduratik kanpo egon ziren, idazkari judizialaren zaintza eta kontroletik kanpo, alegia".
Zure interesekoa izan daiteke
PPk "oso larritzat" jo du Zapateroren inputazioa eta azalpenak eskatu dizkio Sanchezi
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
Epaileak Jose Luis Rodriguez Zapatero inputatu du 'Plus Ultra auzian', ustez dirua zuritzeagatik
Espainiako Gobernuak Plus Ultra airelineari emandako 53 milioi euroen ustezko erabilera irregularra ikertzen ari da Jose Luis Calama Auzitegi Nazionaleko magistratua. Ekainaren 2rako deitu dute Zapatero.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".