Dozenaka mila lagun atera dira kalera, '78ko erregimena' indargabetzea eskatuz
'78ko erregimena'ren kontra eta Kataluniako Errepublikaren alde, dozenaka mila lagun mobilizatu dira gaur arratsaldean Bartzelonan.
Erakunde eta alderdi politiko independentistek deituta, jendetza bildu da hiriaren erdigunean, Espainiako Gobernuak Ministro Kontseilua Bartzelonan egin izana "probokaziotzat" jo dute eta hori salatu nahi izan dute mobilizazioarekin. Gracia pasealekuan hasi eta Kale Nagusia zeharkatu duen martxan, preso politikoen askatasuna aldarrikatzeko oihuak ere izan dira.
'Bota dezagun 78ko erregimena. Eskubide sozial eta politikoengatik, autodeterminazioagatik, errepresioaren aurka', talde eta alderdi politiko independentista guztiek bat egin dute deialdiarekin, tartean, ANCk, Omnium Cultural erakundeak, CUPek eta CDR Errepublikaren defentsarako batzordeak.
Ibilbidearen amaieran egindako ekitaldian, erakunde soberanistek mobilizazio gehiago deituko dituztela iragarri dute, "78ko erregimena"ren kontra eta Kataluniaren erabakitzeko eskubidearen alde.
Silvia Bel aktoreak irakurri duen adierazpenean, Estatuari "aurre egin" behar zaiola azpimarratu dute: "Azken hileetan ikusi dugu ezin daitekeela dena alderdi politikoen esku utzi. Kataluniako herriak urriaren 1an eta 3an erakutsi zuen jarrerarekin soilik ikaratu da Erregimena".
Horrela bada, "erakundeak ordezkari politikoenak ez ezik, herritarrenak ere badirela ulertu behar dute eta herriak kalera ateratzeko hautua egin duela eta parte-hartze politikoa alderdien esku soilik egotea nahi ez duela onartu behar dute".
"Hamaika arrazoi ditugu 78ko erregimenaren kontra borroka egin eta bizimodu duina bermatuko duen antolakuntza sozial berri bat eraikitzeko. Horregatik, abenduaren 21a borroka eguna izan da, eta ez da borroka egun bakarra izango, lapurtu eta ukatzen diguten subiranotasuna berreskuratzeko mobilizazio gehiago egingo baititugu aurrerantzean", iragarri dute.
"Subiranotasuna Kataluniako Errepublikarekin soilik lortuko dugu bere osotasunean", erantsi dute.
Bestalde, Espainiako Gobernuak gaur Bartzelonan egin duen bilera probokaziotzat jo dute. "Polizia eta Guardia Zibila Katalunian egotea justifikatzeko aitzakia baino ez da izan", salatu dute.
"Espainiako Gobernuarekin akordio batera heltzea ezinezkoa izan da eta ezinezkoa izango da, bere kolorea edozein delarik ere, bere legea inposatzen saiatuko baita behin eta berriro, 155a ezartzeko mehatxu mugagabearekin", ohartarazi dute.
Estatuak Kataluniaren aurka darabilen "jazarpena eta errepresioa" salatu dute, espetxean eta erbestean dauden politikari independentistak gogoratuz eta haien askatasuna exijituz.
Amaitzeko, Ministroen Kontseiluak gaur hartutako erabakiak "iraingarritzat" eta "onartezintzat" jo dituzte, eta egunean zehar izan diren mobilizazioetan segurtasun indarrek izan duten jarrera salatu dute, atxilotutako manifestariak berehala aska ditzatela eskatuz.
(Dozenaka mila lagun bildu dira Bartzelonako manifestazioan. Argazkia: EFE)
Zure interesekoa izan daiteke
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.