Gozogintza lantegian sutea eragin izana ukatu du Guardiako zinegotziak
Jose Antonio Mateo Guardiako Ciudadanoseko zinegotzi ohia ikertzen ari da Ertzaintza, haren gozogintza lantegian izandako sutea eragin zuelakoan. Gainera, okindegian mehatxuzko pintadak egin zizkiotela salatu zuen Mateok: "faxista" eta "espainiar puta semeak" zioten pintadak, hain zuzen. Alabaina, Ertzaintzak abiatutako ikerketa zalantzan jarrita, ustezko erasoarekin zerikusirik ez duela esan du Guardiako zinegotziak.
Gaur egun Guardiako Udalera atxiki gabeko zinegotzia da Mateo. Izan ere, duela bi urte Ciudadanos alderdia utzi zuen Libres por Euskadi taldean sartzeko. Aurreikusitakoaren arabera, hurrengo hauteskundeetan alderdi horren alkatetzarako hautagai izango da.
Harira itzulita, Jose Antonio Mateok ukatu egin du sabotajean parte hartu izana, eta haren abokatuak adierazi du Gasteizko 2. Instrukzio Epaitegiaren esku utzi zutela ikerketa. Gainera, zehaztu du oraingoz ez duela Mateo sabotaje horretan nahasten duen frogarik jaso.
"Nik dakidala adituen txostenek ez dute Mateok sutea eragin zuenik esan, eta, oraingoz, ez dago bide horretara zuzentzen duen frogarik ere", azaldu du abokatuak.
Libres Por Euskadi alderdiak, berriz, ohar bat bidali du igandean bilera egingo dutela argitzeko. "Batzar horretan erabakiko dugu zer egin, baina ordura arte nahiago dugu itxaron", dio oharrak.
Bestalde, zinegotzia ikertzen ari da Ertzaintza, ustez sutea eragiteagatik eta delituaren itxura egiteagatik.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.