Frantziak 7 urteko espetxe-zigorra ezarri dio Sorzabali, eta 5 urtekoa Plari
Frantziako Justiziak Iratxe Sorzabali zazpi urteko kartzela-zigorra ezarri dio astearte honetan, eta bost urteko espetxe-zigorra David Plari. Espainiako Gobernuarekin negoziatzen saiatu zen ETAko ordezkaritzaren kideak izan ziren biak, 2011n borroka armatua behin betiko utzi ondoren.
Pariseko Auzitegiak errudun jo ditu. Sorzabali hamabi delitu leporatu dizkiote, eta Plari sei.
Sorzabal (Irun-Gipuzkoa, 1971) eta Pla (Iruñea, 1975) 2015eko irailaren 22an atxilotu zituzten Baigorriko (Nafarroa Beherea) landetxe batean. Ramon Sagarzazu talde politikoko buruzagi ohiarekin hitzordua zuten bertan. Hasiera batean, Sagarzazu bera ere atxilotu zuten, baina gero aske utzi eta auzia azkar artxibatu zuten.
Zigor guztiak bete ondoren, Sorzabal Frantziatik kanporatzeko agindua eman du epaimahaiak.
Teorikoki atxilotu zutenetik gehienez hamar urte bete beharko ditu Sorzabalek espetxean, baina praktikan gutxiago izango dira, zigorra kentzeari esker.
Hala ere, Sorzabal Espainiaratzea eskatu du bertako Justiziak. Zehatzago, hiru estradizio eskaera egin ditu Espainiak 1995ean eta 1996an egindako atentatuengatik. Dagoeneko Frantziak horietako bi onartu ditu, eta hirugarrena tramitazio prozesuan dago.
Pla, ostera, ez dute Frantziatik kanporatuko familia-loturak dituelako (bere alabak Ipar Euskal Herrian ikasten du). Zigorra kentzeari esker, “datozen asteetan” espetxetik atera beharko litzateke, Xantiana Cachenaut abokatuak azaldu duenez, Fiskaltzak gaurko ebazpenari helegitea aurkezten ez baldin badio.
Zigorrak Fiskaltzak eskatutakoaren azpitik daude; izan ere, Sorzabali bederatzi urte eta Plari sei urteko zigorra ezartzea eskatu zuen fiskalak.
“Borrokaren logika hausteko” etorkizunera begiratzea eskatu dute Plak eta Sorzabalek. “2010etik bake prozesu bat sortzeko saiakera zintzo bat izan dela dio errealitateak”, adierazi du Plak gaztelaniaz, epaileek azken hitza eman diotenean.
“Gatazkan sufritu duten pertsona guztiak kontuan izan behar ditugu, baina hori ezin daiteke gatazka egoera elikatzen jarraitzeko arma bezala erabili”, esan du Plak.
Prozesua arrakastarekin bukatzeko eragile guztiak, justizia barne, inplikatu behar direla erantsi du Sorzabalek.
“Ezin dugu iragana aldatu, baina eraiki nahi dugun etorkizuna erabaki dezakegu”, eta “guk bakearen eta askatasunaren alde lan egiten jarraituko dugu”, azpimarratu du.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.