Hiru kontseilari ohik ukatu egin dute erreferendumagatik utzi zutela Generalitatea
2017ko uztailean Kataluniako Gobernua utzi zuten hiru kontseilarik deklaratu dute gaur Kataluniako prozesu independentistaren aurkako epaiketan, Espainiako Auzitegi Gorenean: Jordi Jane, Jordi Baiget eta Meritxell Ruiz.
Erreferendumari buruz zeukaten jarreragatik kargugabetu zituztela ukatu dute hirurek. Ildo horretan, garai hartan aldebakarreko bidea mahai gainean ez zegoela azpimarratu dute, helburua erreferenduma Estatuarekin adostea zelako.
Jordi Baiget 2017ko uztailaren 3an kargugabetu zuen Carles Puigdemontek, elkarrizketa batean egindako adierazpenen harira, harengan "konfiantza galdu" zuela argudiatuta. Besteak beste, erreferenduma egin beharrean "A9ko galdeketaren antzerako zerbait" egin beharko litzatekeela eta balizko prozesu judizial batean bere ondasunak galtzeko beldurra zuela esan zuen.
"Prozesua adostua izan behar zela pentsatzen nuen, bai", adierazi du gaurko saioan, eta horretarako formula bat baino gehiago daudela zehaztu du: hauteskundeak deitzea edo galdeketa bat antolatzea.
Nolanahi ere, Baigetek ukatu egin du garai hartan aldebakarreko bideari heltzeko aukera mahai gainean zegoela. Gauza bera berretsi dute Janek eta Ruizek ere.
Janek esan du arrazoi pertsonalak tarteko erabaki zuela kargua uztea, lan-zama handia zela eta aro bati amaiera emateko ordua iritsi zitzaiola iritzita.
Aldebakarreko erreferenduma deitzeko aukerak erabaki horretan eraginik izan ote zuen galdetuta, Janek ezetz esan du. "Beti pentsatu nuen akordio bat lortuko zela lehenago", azaldu du.
Ruizek ere antzeko argudioak eman ditu bere kargugabetzeaz galdetu diotenean. Egin beharrekoak egin zituela, nekatuta zegoela eta seme-alabei denbora gehiago eskaintzeko asmoz kargua uztea erabaki zuela azaldu du.
Testuinguru politikoa kontuan hartuta, akordio bat lortzea zaila izango zela ondorioztatu zitekeela esan du, baina azpimarratu du garai hartan ez zela aldebakarreko bidea abiarazteaz hitz egiten.
"Akordio bat lortzen saiatu ginen, baina ez genuen itunik lortzen, eta ez nuen neure burua tentsio egoera horretan lan egiteko prest ikusten. Nire kargua oso teknikoa zen eta testuinguru horretan oso gutxi egin nezakeela uste nuen", azaldu du.
Ruizek eta Janek 2017ko uztailaren 14an utzi zuten Generalitatea.
Aragonesek ez deklaratzea erabaki du
Bestalde, Pere Aragones Kataluniako Gobernuko presidenteordea izan da gaurko saioko protagonistetako bat, baina ez esan dituenengatik, deklaratzeari uko egin diolako baizik.
Kataluniako Justizia Auzitegi Nagusiak ikerketapean jarri zuen Aragones, eta, auzi hori dela eta, gaurkoan ez deklaratzea eskatu zuen buruzagi katalanak. Haren "egoera prozesal zaila" kontuan hartuta, eskaera hori onartzea erabaki du Manuel Marchena epaimahaiko presidenteak.
Bartzelonako Instrukzioko 13. Epaitegiak azalpen arrazoitua bidali zion Kataluniako Justizia Auzitegi Nagusiari Aragones iker zezan. Kataluniako Auzitegiak, baina, Aragones ez ikertzea erabaki zuen, eta horren berri eman zion idatzian Gorenari, U-1eko epaitegiak ikertu zuela argudiatuta.
Behin idatzia aztertuta, Manuel Marchena Goreneko presidenteak zera adierazi du: "Kataluniako Auzitegiak ez ikertzeko erabakia hartu duen arren, baliteke deklaratzeko interesik ez duen agertoki bat irudikatu izana". Aragonesek, ordea, uko egin dio horri ere.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.