EAJk eta PSEk koalizioan gobernatuko dute Bizkaiko eta Gipuzkoako foru aldundietan
EAJk eta PSE-EEk asteazken honetan itxi dituzte Bizkaiko eta Gipuzkoako foru aldundietan koalizio gobernuak osatzeko akordioak.
Gipuzkoako Aldundian, jeltzaleek botere gehiago izango dute legealdi berrian; izan ere, ahaldun nagusiordea, Turismoko zuzendaritza eta departamentu berri bat ere EAJren esku egongo dira.
Akordioa sinatzeko ekitaldia gaur egin dute. EAJren izenean Joseba Egibar eta Maria Eugenia Arrizabalaga izan dira; Eneko Andueza eta Susana Garcia izan dira Euskadiko Alderdi Sozialistaren ordezkariak.
Itunak, "Gipuzkoa indartzeko" helburuak biltzen ditu eta Foru Gobernuaren egitura zein izango den zehazten du. Bederatzi departamentu izango ditu, aurreko legealdian baino bat gehiago, Proiektu Estrategikoak izeneko departamentua sortzea erabaki baitute. EAJk zuzenduko du.
Karguak hauteskundeetako emaitzen arabera banatu dituzte. Horrela, bada, Markel Olano izango da ahaldun nagusia eta EAJk ondoko departamentuak zuzenduko ditu: Sustapen Ekonomikoa, Turismoa eta Nekazaritza; Gobernantza; Proiektu Estrategikoak; Ogasuna eta Finantzak; Azpiegiturak; eta Gizarte Politikak.
PSE-EEk, berriz, hiru diputatu izango ditu; Kultura, Kooperazioa, Gazteria eta Kirola; Mugikortasuna eta Lurralde Antolaketa; eta Ingurumena eta Obra Hidraulikoak departamentuak zuzenduko dituzte.
Bizkaiko Foru Aldundiari dagokionez, akordioa inbestidura saioaren bezperan iritsi da, ostegun honetan aukeratuko baitute Unai Rementeria Bizkaiko ahaldun nagusi.
Programa adostu dute, baina oraingoz ez dute jakinarazi departamentuen banaketa nola egingo duten.
EAJk 25 ahaldun lortu zituen hauteskundeetan, eta PSE-EEk, 8. Beraz, bi alderdien artean gehiengo zabala (33) izango dute legealdi berrian. EH Bilduk, berriz, 10 ordezkari izango ditu; Elkarrekin Podemosek, 6; eta PPk, 2.
Zure interesekoa izan daiteke
"Ezin da gehiago luzatu" lelopean, II. Etxera Kantuz Topaketa egin du Sarek Durangon
Sarek II. Etxera Kantuz Topaketa egin du Durangon. “Ezin da gehiago luzatu” dinamikaren baitan egindako ekimen horrekin, ETAko presoei salbuespenik gabeko espetxe politika arrunta aplika diezaieten eskatu dute. Aldarrikapen horri bidea emateko, urtarrilaren 10ean manifestazioa egingo dute Bilbon.
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.
Guardiako alkatearen ustezko delituak ikertzeko eskatu dio EH Bilduk Fiskaltzari
Koalizio abertzaleko zinegotziek azaldu dutenez, legegintzaldi honetan alkatearen eta haren gobernu taldearen zenbait jardunbide "legezkotasunetik kanpo daude eta delituzkoak izan daitezke". "Bereziki larritzat" jo dituen bi jokabidetan jarri du arreta EH Bilduk.
"PPren aurkako ekintzen aurrean" jeltzaleek eta sozialistek duten jarrera kritikatu du De Andresek
Javier De Andres Euskadiko PPren presidenteak esan du erakunde bat "zuzenean PPren aurka" egiten ari dela, eta horrek izen-abizenak dituela: "EH Bildu eta Ernai". Testuinguru horretan, jeltzaleen eta sozialisten jarrera kritikatu du.
Aizpuruak (EH Bildu) ausardia eskatu du nazio aniztasunean aurrera egiteko, eta PPrekin zein Voxekin aritzea horrekin "bateraezina" dela esan du
Mertxe Aizpurua EH Bilduk Kongresuan duen bozeramaileak esan du nazio aniztasuna aitortu eta demokrazia eraberritzeko bidean aurrera egiteak "ausardia eta konbikzioa" eskatzen dituela. Halaber, ohartarazi du bide hori bateraezina dela "PPrekin eta Voxekin batera aritzearekin, ez ekintzaz, ez omisioz, ez Madrilen, ez Euskal Herrian".
Vaquero: "Sanchezi eskatzen diogu bere borondate guztia jartzeko transferentziak burutzeko"
Maribel Vaquero EAJk Diputatuen Kongresuan duen bozeramaileak Estatutua betetzeari buruz hitz egin du Espainiako Konstituzioaren urteurrenean.
Gernikako Juntetxean Espainiako bandera ostu eta pintaketa bat egin dute
"Gurea ikurriña" zioen pintaketa batekin esnatu da eraikina gaur goizean, eta atean dauden Espainiako eta Europako banderarik gabe. Ernaik, bere aldetik, "ikur espainolisten" aurkako kanpaina amaitu dela iragarri du, eta Durango utzi ditu lapurtutako objektuak.
Salazar salatu zuten emakumeak “behar bezala babestu” ez izana onartu du PSOEk
Paco Salazar Moncloako aholkulari ohiarekin lan egiten zuten alderdiko bi militantek jazarpena jasan zutela salatu zuten. Sozialisten esanetan, protokoloak aktibatu zituzten.
PSE-EEk "normaltasunez" ikusten du EAEko Justizia Auzitegiak hizkuntza eskakizunen inguruan egindako kontsulta
Pau Blasi PSE-EEko legebiltzarkideak adierazi duenez, bere alderdiak "normaltasunez" ikusten du Euskal Autonomia Erkidegoko Auzitegi Nagusiak Euskadiko sektore publikoan hizkuntza eskakizunak arautzen dituen legeari buruz Auzitegi Konstituzionalari egingo dion kontsulta. "Ez da gertatzen den lehen aldia, eta Konstituzionalak esaten duenaren zain gaude", esan du Blasik Legebiltzarreko korridoreetan kazetarien galderei erantzunez.
Ernaik Euskal Herrian zutik geratzen zen azken Osborne zezena bota du "sinbolo espainolista izateagatik"
Sabotaje hori azken egunotan egin dituzten ekintzen barruan kokatzen du, hala nola, PPren Bilboko egoitzari pinturaz egindako erasoa eta Gizarte Segurantzaren Gasteizko Diruzaintzaren egoitzatik Espainiako bandera bat kentzea. Sare sozialetako mezuan jarri dutenez, "sinbolo espainolistek ez dute tokirik Euskal Herrian".