EAko sektore kritikoak ez du baztertzen auzitara jotzea afiliatuen errolda lortzeko
Eusko Alkartasunako (EA) zuzendaritzak alderdi horretako afiliazio datuak “ezkutatu” egiten dizkiela salatu dute astearte honetan EAko Arabako, Gipuzkoako eta Nafarroako koordinatzaileek, eta hauteskunde-erroldarako sarbidea ukatzen jarraitzen badiete epaitegietara joko dutela ohartarazi dute.
Hiru probintzia horietan EAko arduradun nagusi diren Iratxe Lopez de Aberasturi (Araba), Mikel Goenaga (Gipuzkoa) eta Miren Aranoa (Nafarroa) Eusko Alkartasunako zuzendaritzarekin kritiko agertu den sektorearen bozeramaileak dira. Pello Urizarrek dimisioa eman ostean idazkari nagusi berria aukeratzeko prozesuan zuzendaritzaren "praktika irregularrak, antidemokratikoak eta ilunak" salatu dituzte goizean, alderdiaren Donostiako egoitzan egindako agerraldian.
Azken kongresutik EAk bizi duen "barne krisia" lotu dute kritikoek dimisio horrekin; izan ere, dimisioa eman baino lau egun lehenago Urizarri idatzi bat bidali ziotela esan dute hiru koordinatzaileek. Hala, astebete baino lehen afiliatuen errolda jaso ez badute, haren aurkako demanda bat aurkeztuko dutela jakinarazi zioten testu horretan.
Lopez de Aberasturik salatu duenez, “zuzendaritza afiliatuen datu-basea ezkutatzen ari da behin eta berriro, eta jarrera horrek datu-baseak zer misterio, sekretu edo irregulartasun ezkutatzen dituen pentsatzera garamatza”.
Ordaintzetik salbuetsita dauden afiliatuak
Besteak beste, EAko kuotak ordaintzetik salbuetsita dauden afiliatuen egoera zein den egiaztatu nahi dute hiru kritikoek errolda horretan (estatuetan jasotakoaren arabera, kuotak ordaintzetik salbuetsita daude errenta jakin batera iristen ez diren afiliatuak). Izan ere, hauteskunde primarioetan botoa emateko eskubidea izango ez duten militanteak (kuotak ordaintzen ez dituztenak) kanpo uztea eskatzen dute, botoa ematera deitzen badituzte alderdiko prozesuak baldintzatu ditzaketelako, tartean idazkari nagusiaren hautaketa.
Eskatutako datuak jaso ez zituztenez, EAko Berme Batzordera jo zuten kritikoek, eta, koordinatzaileek azaldu dutenez, "ebazpen irmoa" eman zuen. Zehazki, Nazio Batzordeko kide guztiek afiliazio zerrendak eskuratzeko eskubidea dutela ebatzi zuen batzorde horrek, eta "zerrenda horiekin zerikusia duten prozesu eta gorabehera guztien jarraipena egiteko" eskubidea zutela gaineratu zuen.
Geroago emandako beste ebazpen batean, hauteskunde primarioak bertan behera utzi zituen Berme Batzordeak, martxoaren 11n emandako ebazpena bete arte. Hala, Nazio Batzordeko kide guztiei datu-basean sartzeko aukera emateko eta kuotak ordaintzetik salbuetsita zeuden afiliatuen egoera berrikusteko agindua eman zuen.
Atzo bertan, beste urrats bat eman zuen krisialdi honek, izan ere, Berme Batzordeko bi kideri espediente bat irekitzea erabaki zuen EAko Nazio Batzordeak, bertako kide batek egindako eskaerari jarraiki, "erabakiak hartzeko modu irregularra" iritzita. Zuzendaritzarekin kritiko agertu diren hiru koordinatzaileek erabaki hori "esperpentikoa eta kezkagarria" dela azpimarratu dute.
Zuzendaritzarekin kritiko agertu den sektorearen buruak, Donostian egindako agerraldian. Argazkia: EFE
"Une honetan argi daukagun gauza bakarra ondorengoa da: ez dugu indarrean dagoen primarioen araurik, prozesua etenda baitago. Etenaldi hori Batzar Nazionalaren erabakia baino lehen iritsi zen, eta, ondorioz, primarioak deitzeko ezartzen den bi hilabeteko epea oraindik ez da hasi ", azaldu dute EAko Gipuzkoako, Arabako eta Nafarroako koordinatzaileek.
Horrela, afiliazio datuak eskatzeko barne prozedurak emaitzarik lortu gabe agortu ondoren, kazetarien aurrean agerraldia egitea erabaki dute, eta epaitegietara jotzeko aukerari heldu diote.
Azken kongresua 14 botoko aldearekin galdu zuen sektore kritiko horrek EH Bildu koalizioaren barruan EA "indartu" egin behar dela uste du, alderdia desagertzea saihesteko. Dena dela, EAk Sortu, Aralar eta Alternatiba alderdiek osatutako koalizioaren "konpromisoari" eutsi behar diola azpimarratu dute.
Datu guztietarako sarbidea baztertu du Gezuragak
EAko zuzendaritzak, ordea, uste du primarioen araudiak "indarrean" jarraitzen duela, eta, horregatik, Urizar ordezkatuko duen idazkari nagusia aukeratzeko epeak aurrera jarraitzen duela ziurtatu du.
Radio Euskadin egindako elkarrizketa batean, Joseba Gezuraga EAko jarduneko idazkari nagusiak esan du alderdiko buruzagi berria aukeratzeko primarioen prozesuan parte hartzen duten hautagai-zerrenda guztiek hautesleen errolda eskuratzeko aukera izango dutela, baina, horren esanetan, "ezin da datu-base horrek dituen datu guztiak eskuratzeko aukera eman".
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.