Chivite, sozialistak Nafarroako Gobernua zuzentzera eraman dituen emakumea
Maria Chivite Navascues Nafarroako Gobernuko presidente berriak ibilbide oparoa du alderdi sozialistan; besteak beste, PSOEren bozeramaile izan zen Senatuan.
PSNren ordezkaritzaren buru zenean, PSOEren 39. Kongresuan hartu zuen parte (2017ko ekainean), eta Pedro Sanchezi babesa eman zion orduan.
Sanchezen hautagaitzaren ondotik, "konpromisoa, lana eta leialtasuna" hitzeman zizkion Chivitek Sanchezi, eta haren esanetara jarri zen "proiektu sozialista indartzeko" eta "PSOEk Nafarroako zein Espainiako gobernuak zuzen zitzan".
1978an Cintruenigon jaioa, Soziologian lizentziaduna da eta giza baliabideen antolakuntza eta kudeaketarekin eta lan arriskuen prebentziorako goi teknikarekin lotutako ikasketak ere baditu.
2003-2007 artean, Cintruenigoko alkate izan zen eta 2011 eta 2013 artean Eguesibarrekoa. Gainera, 2001tik 2005era Gazte Sozialisten zuzendaritza-batzordean egon zen.
Bestalde, 2007-2011 legealdian Osasun bozeramaile izan zen Parlamentuan, baita 2011tik 2012ra ere.
Esan bezala, senatari eta PSOEren Senatuko bozeramaile ere izan zen. Hain zuzen ere, Marcelino Iglesiasen kargua hartu zuen.
2014ko irailaren 5ean, baina, PSNren zuzendaritza-batzordea utzi zuen, Nafarroako Gobernuko Presidentetzara aurkeztu ahal izateko. Horrela, urriaren 19an garaile atera zen, botoen % 58,59 lortuta, eta Amanda Acedo alderdikideari aurrea hartuta.
2014ko abenduan, berriz, ezohiko bilera batean, PSNko idazkari nagusi izendatu zuten, Roberto Jimenezen ordez.
2015eko maiatzeko hauteskundeetan sozialistek 7 eserleku lortu zituzten, aurreko legealdian baino bi gutxiago. Ondorioz, Nafarroako Parlamentuko sozialisten bozeramaile kargua hartu zuen Chivitek. Bateraezintasunagatik, hilabete geroago, senatari aktari uko egin zion.
Azkenik, iragan ostiralean Nafarroako presidente izendatu zuten. Aurretik bi emakume soilik izan dira gobernua zuzentzen: Yolanda Barcina (2011-2015) eta Uxue Barkos (2015-2019).
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.