Sanchezen inbestidurarako PSOE eta EAJ ‘laster’ bilduko direla iragarri du Calvok
Carmen Calvo Espainiako Gobernuko jarduneko presidenteordeak larunbat honetan nabarmendu duenez, PSOE eta EAJ “askotan bildu dira” Pedro Sanchezen inbestidura adosteko, eta, testuinguru horretan, “laster” berriro elkartuko direla iragarri du.
Calvok azaldu duenez, uztaileko inbestidurak porrot egin zuenetik Espainiako erregeak ez du hautagai berririk proposatu, eta, ondorioz, bere alderdiak “beste inork baino erantzukizun handiagoa” hartuko duela jakinarazi du, “hautestontziek hala erabaki dutelako”. Gauzak horrela, sozialistek Pedro Sanchez jarduneko presidentea inbestitzeko lan egingo dutela ziurtatu du. "Talde parlamentario gehienekin biltzen saiatuko gara", esan du Calvok.
Ildo horretatik, “Espainiako politikak arazo bat duela” deitoratu du Espainiako Gobernuko presidenteordeak, eta hauteskundeak galdu dituztenek ez dutela “haien porrotaren inguruan hausnartu” gaineratu du.
Hala, Isabel Diaz Ayuso (PP) Madrilgo Erkidegoko presidentearen gobernua "irudipen bereziki arazotsua" dela esan du, "Espainiako Gobernuari oposizioa egiteko asmoz Exekutibo bat osatuko duelako”.
"Gobernu autonomikoek ezin dute oposizioa egin; bakoitzak bere arazoak konpondu behar ditu, ongizatea eta interes orokorra gailenduz", esan du Calvok. Ildo horretatik, Ayusok “bere alderdiaren irizpideak jarraituz” lan egingo duela deitoratu du Calvok.
Calvoren hitzetan, beste alderdi guztiek hautagai berri baten inbestiduran "zer eginik ez dutela esatea nahiko zaila da ulertzen”, eta boto-emaileei "beraiek ez dutela ezer esateko” eskatu die, “politikan duten egitekoa ezer ez egitea dela”. "Eta ezer ez egiteaz gain, hauteskundeak irabazi dituenari ere ez diote errespetatzen. Gobernua laster osatzeko erantzukizun handiena dauka PSOEk ", azpimarratu du Calvok.
Presidenteordeak azpimarratu duenez, PSOEk gobernu programa "hobea" dauka orain, azken asteotan elkarteekin bildu eta akordioak lortu ostean, eta hasieratik Elkarrekin Podemosen ekarpenak jaso dituztela esan du.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, zentsura mozioa
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.