Sanchezek ez du 'ezer baztertzen'
Pedro Sanchez Espainiako Gobernuko jarduneko presidenteak Pablo Casado PPko buruzagiari gaur (asteazkena) jakinarazi dionez, ez du "ezer baztertzen" eta, beharrezkoa izanez gero, "sendotasunez, proportzionaltasunez eta batasunetik" jokatuko du.
Pablo Casadorekin ez beste, Albert Riverarekin (Ciudadanos) eta Pablo Iglesiasekin (Unidas Podemos) batzartu da Moncloan, Kataluniako istiluak aztertzeko.
Jarduneko Gobernuko iturriek salatu dutenez, Katalunian gutxiengo bat indarkeria nagusitzen eta bizikidetza hausten saiatzen ari da. Horren aurrean, istiluak tinko gaitzesteko eskatu diote independentismoari.
"Agerikoa da ez dela mugimendu baketsua; muturreko talde batzuk ari dira koordinatzen, eta kalean indarkeria ari dira erabiltzen, Kataluniako bizikidetza hausteko", Espainiako Gobernuaren hitzetan.
Egoera horren aurrean, Gobernuak segurtasun-indarren lana goraipatu du: "Ordenari eta bizikidetzari eusteko dabiltza lanean". Babes-mezua helarazi die zauritutako mosso eta Polizia Nazionaleko agenteei. "Gobernuak segurtasuna eta bizikidetza bermatuko ditu Katalunian, eta gogora ekarri nahi du, halaber, irmotasunetik, proportzionaltasunetik eta batasunetik jardungo dela, beharrezkoa balitz", azpimarratu du.
Pedro Sanchezek Casadorekin, Riverarekin eta Iglesiasekin hitz egin zuen astelehenean, telefonoz, Auzitegi Gorenaren epaiaren berri izan ostean.
Meritxell Batet Kongresuko presidenteak baztertu egin du Konstituzioaren 155. artikulua eta Segurtasun Nazionalerako Legea ezartzea Katalunian egungo egoeran, baina Generalitateari arduraz jokatzeko eskatu dio, ez baitu uste "jarrera arduratsua" duenik.
Casado
Casadok bilera horretan Sanchezi eskatu dio ostiraleko Ministroen Kontseiluak Quim Torrari "errekerimendu" bat bidal diezaiola "behar konstituzionalak eta legalak" bete ditzan, 155. artikulua ezartzeko lehenengo pauso gisa.
PPren buruzagiak Espainiako Gobernuari eskatu dio "prest" egon dadila aipatu artikulua aplikatu behar izatekotan.
"Aurreikuspen ezak" jarduneko presidentea "gainditu" duela uste du, eta ohartarazi dio mekanismo guztiak dituela "onartezina den indarkeriaren gorakadari" aurre egiteko.
Era berean, ERCrekin eta PDeCATekin dituen akordioak berehala eteteko eskatu dio Sanchezi, eta Fiskaltzak Torraren eta Roger Torrent Parlamentuko presidentearen aurka egin beharko lukeela gaineratu du, "desordena publikoetarako eta desobedientziarako" deia egin dutela iritzita.
Iglesias
Iglesiasek esan du Espainiako Gobernua babestuko duela Kataluniako giroa baretzen lagunduko duten neurrietan, eta PSOEri eskatu dio argi dezala "Casadorekin eta Riverarekin dagoen", ala beste bide batean.
Moncloan emandako prentsaurrekoan azaldu duenez, ez zaio iruditzen Espainiako Gobernuak "salbuespen neurririk hartzeko asmoa duenik", eta berretsi du 155ak ez zuela gatazka konpontzeko balio izan. Iglesiasek azpimarratu du bere apustua "adiskidetzea" dela.
Bestalde, Sanchezek Iglesiasi "baturik ekitea"ren garrantzia helarazi dio, eta irmo, proportzionaltasunez eta batasunez erantzungo duela hitzeman dio, Moncloako iturriek jakitera eman dutenez.
Rivera
Albert Rivera Ciudadanosen buruak 155. artikulua "berehala" eta "benetan" aplikatzeko eskatu du, aurrekotik "azkarregi eta gaizki" atera zirela iritzita.
Gainera, Quim Torra presidentearen dimisioa eskatu du, Katalunian bizi duten "larrialdi nazionalaren" arduradun eta "gidari suizida" dela iritzita.
Sanchezi eskatu dio Kataluniara bidal ditzala "prest dauden agente guztiak" erkidegoa "blindatzeko", eta Gobernuak proposatzen dituen neurriak PPrekin eta Ciudadanosekin adostutako "Estatu plana" izan dadila.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.