Gure Esku: 'Manifestazioa mugarria izan da erabakitzeko eskubidearen bidean'
Biharamun gozoa dute gaur Gure Esku erabakitzeko eskubidearen aldeko plataformako kideek. Kataluniako prozesu independentistaren kontra Auzitegi Gorenak emandako epaia salatzeko mobilizazioak babes zabala jaso zuen, eta oihartzuna ere halakoa izan da.'Erreferenduma ez da delitua-Askatasuna-Erabakitzeko eskubidea defenda dezagun' lelopean, milaka eta milaka pertsona bildu ziren Gipuzkoako hiriburuan.
ETBri eskainitako elkarrizketan, Amalur Alvarez Gure Esku mugimenduko eleduna "pozik" agertu da, eta atzokoak "mugarria" ezarri zuela ziurtatu du. "Guretzat mugarria izan da manifestazioa, burujabetzaren bidea elkarrekin eraikitzen jarraitzeko. Erabakitzeko eskubideak batzen gaitu, eta horretarako bidea denon artean landu behar dugu", esan du.
Donostian egindako mobiliziazioa ez zela "Kataluniarekiko elkartasun adierazpen bat" bakarrik izan nabarmendu du Alvarezek, "larrialdi demokratiko egoeran" gaudela salatzeko abagunea baizik.
EAJk, EH Bilduk eta Podemos-Ahal Duguk babestu zuten, besteak beste, atzoko deialdia, eta horiei guztiei dei egin die Gure Eskuk, bidea lantzen jarrai dezaten. "Atzo argi geratu zen euskal herritarren gehiengo zabal batek bere etorkizuna libre eta demokratikoki erabaki nahi duela", gaineratu du Alvarezek.
Kataluniaren eta Euskal Herriaren gatazka politikoa konpontzeko bide bakarra dagoela berretsi du erabakitzeko eskubidearen aldeko mugimenduak: "erreferenduma". Auzi politikoei irtenbide politikoa ematea beste aukerarik ez dagoela esan du bozeramaileak.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.