Terrorismoagatik espetxeratutako lau CDR-ren aurkako saioak errepikatuko dituzte gaur
Terrorismoa leporatuta kartzelatutako lau CDR-ren aurkako saioak errepikatuko ditu gaur, asteazkena, eguerdian Manuel Garcia Castellon epaileak. Izan ere, atzo Auzitegi Nazionalak bertan behera utzi zituen haien aurkako kartzelatze-aginduak, erabaki horiek emateko egin ziren saioetan inputatuei ez zietelako defentsarako oinarrizko informaziorik eman.
Zigor-arloko bigarren atalak hartutako erabaki horren berri izan zuenean, atxilotuta dauden CDRetako lau kideak (Guillem Xavier Duch, Eduardo Garzon, Xavier Buigas eta Alexis Codina) gaurko deitu zituen epaileak, Prozedura Kriminaleko Legearen 505. artikuluan aurreikusitako espetxe-neurrien inguruko saioa berriz egiteko. Dena dela, horrek ez du esan nahi inputatuak aske utzi behar direnik.
Espetxeratutako lau CDRetako defentsek aurkeztutako apelazio-errekurtsoetan egindako alegazioa onartu ostean erabaki du Auzitegi Nazionalak kartzelatze-aginduak bertan behera uztea. Zehazki, auzia sekretupean egonda ere, ez zietela atxiloketa horien arrazoiei buruzko informazio nahikorik eman salatu zuten abokatuek.
Konstituzio Auzitegiak berriki emandako epaietan ezarritako doktrinan oinarrituta eman die arrazoia Auzitegi Nazionalak. Horren arabera, sekretupean dauden auzietan ere, epaitegiak defentsa-eskubidea bermatzeko funtsezkoa den gutxieneko informazioa eman behar du, "hala badagokio, sekretuarekin uztartuz".
Zigor-arloko bigarren ataleko epaileek ez dute aztertu inputatuak behin-behineko espetxera bidaltzeko arrazoirik dagoen edo ez, baina, defentsa-eskubidearen balizko urraketa baten aurrean, eginkizunak atxilotu ondoren epailearen esku jarri zituzten unera atzeratu behar direla uste dute.
Horrela, atxilotuta eduki dezaketen epea epailearen esku berriro jartzen dituzten unean hasiko da berriro.
Eguerdian egingo dituzten saioetan, inputatuak aske uztea bidezkoa den ala, aitzitik, legez aurreikusitako prozedurari jarraituz, behin-behineko espetxealdia mantendu behar den erabaki beharko du instrukzio-epaileak. Kartzelara bidaltzen baditu, auto berriak eman beharko ditu.
Lau helegite horien inguruan baino ez du iritzia eman zigor-arloko bigarren atalak, eta, beraz, irailaren 23an atxilotu ostean espetxeratutako beste hiru CDR-renak (Ferran Solis, Jordi Ros eta Germinal Tomas Abueso) ebazteko daude.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.