Mendebaldeko Saharan atentatuak izateko arriskuaz ohartarazi du Espainiako Gobernuak
Espainiako Gobernuko Defentsa Ministerioak ostegun honetan jakinarazi duenez, Mendebaldeko Saharan atentatu terroristak gertatzeko arriskua dago. Atzerri Ministerioak atzo iragarri zuen jada, ez duela sahararren kanpamenduetara bidaiatzea gomendatzen. 70 euskal ikasleko talde batek Tindufeko (Aljeriako mendebaldea) errefuxiatu sahararren kanpamentuetara bidaiatzeko asmoa du ostiral honetan.
Carmen Calvo Espainiako jarduneko Gobernuko presidenteordeak alerta egoera berretsi du, eta atentatuen "mehatxua kontrastatuta" dagoela adierazi du.
Calvoren arabera, Defentsak "abisatu, prebenitu eta ezer ez gertatzeko nahikoa informazio eman nahi izan du"; izan ere, "benetako mehatxua da, beste batean ere gertatu dela egiaztatuta daukagu".
Bestalde, Margarita Robles jarduneko Defentsa ministroa kezkatuta agertu da atentatuen mehatxuaren inguruan "oso informazio zehatza" dagoelako. Roblesek azaldu duenez, "edozein kontsiderazio politikotik at" dauden "atzerriko inteligentzia zerbitzuek" eman die informazioa.
Ministroaren arabera, Saharan jarduten duten talde terroristak daude, "errealitate ukaezina da", esan du, eta jasotako informazioak "berehalako arriskua" aipatzen duela gaineratu du.
Saharako Errepublika Arabiar Demokratikoak alerta kritikatu du
Saharako Errepublika Arabiar Demokratikoak (RASD), berriz, "Marokorekin konplizitatea" izatea eta "justifikaziorik gabeko" segurtasun alerta bat abiatzea leporatu dio Espainiako Gobernuari.
Ohar batean ohartarazi duenez, RASDek argudiatu du "arraroa eta susmagarria" dela Nasser Bourita Marokoko Kanpo Arazoetako ministroak atzo Pedro Sanchezen harrera jaso eta berehala eman izana alerta.
"Saharako Errepublikako Gobernuak eta Fronte Polisarioak atsekabe eta harridura sakona adierazten dute adierazpen susmagarri honengatik, Saharako errefuxiatuen kanpalekuak ez bisitatzeko ohartarazpena ez dagoelako justifikatuta, salbu eta konplizitate harrigarriaren emaitza diren arrazoi politiko edo objektiboak badaude. Errefuxiatuen aurka ez ezik, errefuxiatu horiek hartzen dituen herrialdearen aurka ere zuzentzen da", adierazi du.
RASDek, era berean, alarma piztu den unea deitoratu du; izan ere, egun horietan joan ohi diren dozenaka familiaren bidaiarekin bat egiten du, udaran hartzen dituzten haurren etxean egun batzuk igarotzeko, eta Fronte Polisarioaren kongresua hasi eta hiru aste baino gutxiagora.
Zure interesekoa izan daiteke
Chivitek Hithiumen inbertsioa Nafarroan gauzatzeko akordioa sinatuko du Pekinen, asteazkenean
Ekitaldiaren helburua 400 milioi euroko inbertsioa eta 1.000 lanpostu arteko bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.
Jaurlaritzak "titular gutxiago eta lan gehiago" eskatu du, migrazioaren egiturazko erronkari aurre egiteko
Haurren eta Nerabeen Konferentzia Sektoriala bertan behera geratu zen atzo, PP buru duten erkidego ia guztiek bertan parterik ez hartzea erabaki baitzuten. Nerea Melgosa Ongizate Berdintasun, Justizia eta Gizarte Politiketako sailburuak migrazioaren arloan Jaurlaritzak dituen eskumenak handitzea eskatu du, eta Estatuari eskatu dio egiturazko estrategia bat gara dezala, haurrak eta nerabeak zaintzeko.
Ezkerra, Rufian eta Monteroren arteko bilerari so
ERC, EH Bildu, BNG, Compromis, MES, Sumar eta Podemos alderdiak bilduko dituen hautagaitza "plurinazionala" bultzatzeko azken hilabeteetan ERCren bozeramaileak egindako proposamenaren ostean etorri da hitzordua.