Meritxell Batet eta Pilar Llop hautatu dituzte Kongresuko eta Senatuko presidente
Bi sozialista izango dira Gorte Orokorren buru XIV. legegintzaldian: Meritxell Batet katalana Kongresuko presidente izango da, eta Pilar Llop madrildarra, Senatukoa. Biak ala biak gehiengo soilez eta bigarren bozketan hautatu dituzte.
Kongresuan, PSOEk, Unidas Podemosek, EAJk, Mas Paisek, Compromisek, PRCk eta CC-NC koalizioak egin dute Bateten alde (botoa sekretua da, baina alderdiek iragarritakoaren arabera hori pentsa liteke). Guztira, 166 boto. Beste hautagaiak, Ana Pastor 'popularrak', berriz 140 boto eskuratu ditu (Alderdi Popularrarenak, Navarra Sumarenak, Foro Asturiasenak eta Voxenak).
Aurrez, beste bozketa bat izan da Kongresuan, baina ezein hautagaik (Batet eta Pastorrez gain, Voxeko Macarena Olona ere aurkeztu da) ez du beharrezkoa den gehiengo osoa lortu (176 boto edo gehiago).
Lehenengo bozketan bezala, bigarrenean 19 boto baliogabe izan dira. Izan ere, ERCk eta Juntsek "Llibertat" idatzi dute boto-paperetan 'proces' auzian zigortutako politikarien omenez. Bestalde, CUPek, EH Bilduk eta BNGk (amnistia eta autodeterminazioa), 'Askatasuna' eta 'Sempre por Galiza' (beti Galiziaren alde) idatzi dute, hurrenez hurren, euren paperetan. Horrez gain, 11 boto zuri izan dira (Ciudadanos eta Teruel Existerenak).
Kataluniako auzia oso presente egon da bilkuran. Marta Rosigue ERCko diputatu eta Adineko Mahaiaren idazkariak esaterako, preso dauden diputatu ohi kataluniarrak izendatu ditu diputatu hautetsien zerrenda irakurtzen hasi baino lehen.
BIDEOA | Rosiquek preso dauden diputatu ohi kataluniarrak izendatu ditu zerrenda pasatzean
Goi Ganberan, Pilar Llop sozialista aukeratu dute Senatuko presidente, 130 botorekin. Llop ere bigarren itzulian hautatu dute, lehenengoan ez baitu gehiengo osoa (133 boto) erdietsi.
Llop genero indarkerian espezializatutako epailea da. Manuel Cruzen lekua hartu du senatari madrildarrak.
Koldo Martinez Nafarroako senatari autonomikoari (Geroa Bai) egokitu zaio Senatuko bilkurari ekitea, eta euskaraz egin du hitzaldia, "dagoen aniztasuna defendatu beharreko aberastasuna dela" aldarrikatzeko.
BIDEOA | Martinezek euskaraz hasi du Senatuaren eraketa ekitaldia
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.