Iñaki Abad eta Aratz Urrizola espetxetik atera dira hirugarren gradua baliatuta
Atera dira Zaballako espetxetik (Araba) Iñaki Abad eta Aratz Urrizola Altsasu auzian zigortutako zazpi gazteetako bi, hirugarren graduak eskaintzen duen erregimen askea baliatuta. Lehen asteburua izango dute biek kartzelatik kanpo. 11:30ean irten dira kartzelatik.
Hasiera batean, 09:10ean atera direla zabaldu bada ere, ez da hala izan da. Kontua da senitarteko zuzenak ez ziren guztiei espetxe ataritik aldentzeko eskatu diela Ertzaintzak, eta orduantxe atera behar zirela pentsatu dute denek.
35 bat pertsonak egin diete harrera. Javier Abad Iñakiren aitak aitortu duenez, "pozarren" dago semea kartzelatik atera delako, baina era berean, "oso triste" dago beste bostak han direlako. Gotzon Urrizolak (Aratzen aita) ETB2-ko 'En Jake' saioari esan dionez, semea estu besarkatu du, eta eguna berarekin pasatzeko desiratzen dago. Nolanahi ere, azpimarratu du lanean jarraituko dutela gainerakoak aske izan arte.
Altsasu Gurasoak plataformatik jakinarazi dutenez, ez diete ongietorririk egingo, ez espetxe atarian, ezta Altsasun ere.
Biak ala biak 2018ko ekainetik daude kartzelan, Auzitegi Nazionalak hala aginduta ("ihes egiteko arriskua" zegoela argudiatu zuen). Auziaren epai irmoa ia urte eta erdi geroago heldu zen. Auzitegi Gorenak zigorrak murriztu zizkien denei, baina kartzelan. Gorenak diskriminazio eta larderia astungarria baztertu zuen agintaritzaren kontrako atentatu delituan, eta Urrizola eta Abad ez zituen lesioengatik zigortu, proba falta argudiatuta.
Hala, Abadi 3 urte eta 6 hilabeteko kartzela zigorra ezarri zioten, eta Urrizolari, lau urte eta bi hilabetekoa. Biek beteak dituzte zigorraren hiru laurdenak. Horrenbestez, Zaballa espetxeko Tratamendu Batzarrak hirugarren gradua ematea ebatzi zuen asteazkenean. Aurrerantzean, lotara bakarrik joango dira gazteak, astelehenetik ostiralera. Abad lanera itzuliko da, eta Urrizola, ikastera.
Altsasu Gurasoak eta Altsasukoak Aske plataformek "lasaitua" hartu dute Abad eta Urrizolari emandako hirugarren graduarekin, baina bi gazteen gradu aldaketa "zigor bidegabe baten aplikazioan" kokatu dute, "prozesu bidegabe" baten barruan. "Ez dituzte aske utzi", nabarmendu dute.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Bionan, bigarren itzulira elkarrekin aurkezteko
Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.