Altsasuko gazteen gurasoek 'lasaitasunez' hartu dute hirugarren graduaren albistea
Altsasuko Gurasoak eta Altsasuoak Aske plataformek "lasaitasunez" hartu dute Altsasuko bi gazteri emandako hirugarren graduaren inguruko albistea, baina bi gazteen gradu aldaketa "zigor bidegabe baten aplikazioan" kokatu dute, "prozesu bidegabe" baten barruan. Izan ere, bi guardia zibili eta haien bikotekideei eraso egitea leporatuta daude preso.
Zehazki, Zaballako espetxeko tratamendu batzordeak Iñaki Abad eta Aratz Urrizolari eman die hirugarren gradua, zigorraren laurdena bete ostean. Altsasuko gazteen gurasoek, ordea, ez dakite gainerako zigortuen sailkapen penala aldatu duten edo ez.
Alabaina, neurri hori "espetxeko lege arruntaren aplikazioaren zehaztapena eta gazteei ezarritako zigorraren parte" dela salatu dute ohar batean. Ildo horretan, gradu aldaketak "sufrimendua arintzen" lagundu diela aitortu dute, baina errealitate hori bizi duten bitartean, "egunetik egunera bidegabekeria handiagoa" dela azpimarratu dute.
Hala, hirugarren graduak, lanegun bakoitzean gazteak espetxera lo egitera itzuli beharko direla esan nahi duela gogora ekarri dute, eta, horrenbestez, "ez dituzte aske utzi, eta gainerako gazteek espetxean jarraitzen dute ezarritako zigorra betetzen".
Testuinguru horretan, "bidegabekeria hau" ahal den toki guztietan salatzen jarraituko dutela ziurtatu dute Altsasuko Gurasoek, eta, "berandu baino lehen", gazteak berriro haien eguneroko bizitzarekin ikustea espero dute.
"Lanean jarraitzeko konpromisoa berretsi nahi dugu, horrelako bidegabekeriak Altsasun eta beste inon errepika ez daitezen", azpimarratu dute.
Azkenik, elkartasun adierazpenak eskertzeaz gain, "zuhurtzia eta errespetua" eskatu dute, prozesu honetan zehar zabaldutako "zurrumurruek eta informazio batzuetako zorroztasun faltak" ez dutelako lagundu Altsasuko gazteen askatasuna lortzeko bidean aurrera egiten eta "neurrigabekeria juridiko aberrante honekin amaitzen".
Radio Euskadin, Gotzon Urrizola elkarrizketatu dute, eta baieztatu egin du bere semeak eta Iñaki Abadek hirugarren gradua jaso dutela, baina lo egitera espetxera itzuli beharko dutela azpimarratu du.
CONTENIDO NO ENCONTRADO
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.