'Ardura historikoz' jokatzeko eskatu diote preso ohi eta iheslariek Macroni
Urtarrileko mobilizaziotik hiru astera, gaur Ipar Euskal Herriko Preso ohi eta Iheslarien elkarteak parte hartzeko deia zabaldu du Baionan. Presoen kaleratzea ahalbidetuko duten neurriak eskatu dizkiote Frantziako Gobernuari, eta azken asteotako erabaki judizialak salatu dituzte. Emmanuel Macron Frantziako presidenteari "ardura historikoz" jokatzeko deia egin diote.
Gaur goizean egin dute agerraldia. Gatazkaren ondorioen konponbideak bizi duen "blokeo" egoeratik haien "arrangura adierazteko", eta konponbide prozesuari "ekarpena egiteko", Berria-k jakitera eman duenez. Baionako katedralaren aurrean Saroia Galarraga eta Gabi Mouescak irakurri dute agiria.
Gatazkaren ondorioek konponbide "integrala" lortzeak "erabaki politiko azkarrak eta erantzukizunez" aritzea eskatzen dutela azpimarratu dute. "Ion Parot, Frederic Haranburu Xistor, Jakes Esnal eta Lorentxa Beyrieren baldintzapeko askatasun eskaerei Ministerio Publikoak eta hainbat epailek emandako erantzun ezkorrak arbuiatzen ditugu", erantsi dutenez.
Erabaki horiek "onartezintzat eta probokaziotzat" hartu dituzte euskal preso ohiek, Euskal Herriko egoerak izan duen bilakaera "ukatu" egiten dutelako. "Ez dute inolako oinarri juridikorik, erabaki politiko hutsak dira", adierazi dute.
Bestalde, Ipar Euskal Herrian azken urteetan eraiki den elkarlan dinamikarekin bat egiten dutela berretsi nahi izan dute euskal preso ohiek.
Albiste gehiago politika
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.