ERCk eta PSOEk kontsulta bat hitzartu dute negoziazio mahaiaren akordioak berresteko
ERCko eta PSOEko negoziatzaileek Pedro Sanchezen inbestidurarako sinatutako akordioak jasotzen duenez, Espainiako Gobernuaren eta Generalitatearen arteko negoziazio mahaitik ateratzen diren akordioez galdeketa egingo dute, Kataluniako herritarrek berretsi edo atzera bota ditzaten.
Hori da bi alderdien arteko akordioak jasotzen duen puntuetako bat, Ara egunkariak aurreratu duenez, eta iturri errepublikanoek EFE albiste-agentziari jakinarazi diotenez.
Iturri berberek nabarmendu dutenez, Espainiako Gobernuak eta Generalitateak adosten dutena "demokratikoki baliozkotzeko gobernuen arteko mahaia sortuko da, eta hautetsontziak egongo dira amaieran".
ERCko eta PSOEko negoziazio taldeen arteko akordioaren xehetasunak ez dira jakitera emango, errepublikanoen kontseilu nazionaleko kideek datorren ostegunean, urtarrilaren 2an, arratsaldean, jakin arte; orduan erabaki beharko dute sozialistei emandako konpromisoak nahikoak diren Sanchezen inbestiduran abstenitzeko, eta Moncloako buruzagitzan jarrai dezan.
Alderdiko zuzendaritza bildu ostean, Marta Vilalta ERCko bozeramaileak astelehenean defendatu zuen gobernuen arteko negoziazio mahai bat eratzea "aukera" bat dela "bide politikoa aktibatzeko" eta Kataluniako gatazka bideratzeko.
"Eszeptikoak gara, eta ez dugu inozoak izan nahi; kosta egiten zaigu PSOE honetan eta Gobernuan sinestea, baina uste dugu aukera bat dela aprobetxatu nahi dugun independentismoarentzat, aprobetxatzeko betebeharra dugula. Saiatzea merezi du", esan zuen Vilaltak.
Bestalde, Alderdi Sozialistak bere Batzorde Exekutibo Federala deitu du urtarrilaren 3rako, ostiralerako, ERCrekin inbestidurari begira lortutako akordioaren berri emateko eta berresteko, iturri sozialistek EFE albiste-agentziari jakinarazi diotenez.
Bi alderdiek zuzendaritza organoen babesa lortu ostean, urtarrilaren 4an, 5ean eta 7an egingo dute inbestidura saioa, Meritxell Batet Diputatuen Kongresuko presidenteak astearte honetan talde parlamentarioetako ordezkariei jakinarazi dienez.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.