Junqueras gaitasungabetu zuen akordioa premiaz indargabetzea baztertu du Gorenak
Kartzelan dagoen ERCko lider Oriol Junqueras gaitasungabetu zuen Espainiako Hauteskunde Batozrdeak akordioa premiaz indargabetzea baztertu du Auzitegi Gorenak. Hain zuzen ere, Hauteskunde Batzordeak eurodiputatuaren maila kendu egin zion, proces auziagatik 13 urteko kartzela-zigorra ezarri ziotelako. Quim Torrak aurkeztutako helegitearen gaineko erabakia, aldiz, ostiralera arte atzeratu du Auzitegiak.
EFEri hainbat iturri juridikok esan bezala, Aretoak gaitzetsi egin ditu ditu Generalitatearen presidenteorde ohiaren defentsak eskatutako oso kautelazko neurriak. Junquesaren abokatuek helegitea aurkeztu zuten Espainiako Hauteskunde Batzordearen aurrean.
Batzordearen iritziz, Junquerasen auzian gertatzen da ezin zaiola hautatu; izan ere, Auzitegi Gorenak, 2019ko urriaren 14an, 13 urteko espetxe-zigor hori ezarri zion, eta 13 urterako gaitasungabetu zuen kargu publikorako; hortaz, "Europako Parlamentuko diputatu hautetsi bezala, karguari utzi behar dio, epaiak hala zehaztuta".
Gorenaren iritziz, beharrezkoa da lehentasuna ematea irmoa den epai penal bati. Autoaren arabera, oso kautelazko neurria baztertzeak ez ditu urratzen Junquerasek argudiatutako oinarrizko eskubideak; Europar Batasunaren eskubidea ere ez du urratzen, EBko Justizia Auzitegiak abenduaren 19an emandako epaia bera aztertuta.
Epaileek eskatutako oso kautelazko neurriaren gainean soilik ebatzi dute, eta hori gaitzetsi egin dute. Hala ere, oraindik ez dute zehaztu Espainiako Hauteskunde Batzordearen akordioak eskubidearekin bat egiten duen ala ez. Hori, eztabaida luzeagoa behar duenez, aurrerantzean ebatziko dute.
Quim Torraren gaineko ebazpena, ostiralean
Gorenak, halaber, Quim Torra Generalitateko presidentea diputatu autonomiko izateari uzten dion ebatziko du, baina ez du ostegun honetan egingo, ostiralean baizik, Auzitegiak ebazpen hori atzeratzea erabaki baitu. Torraren helegitea aztertzen duen bitartean Espainiako Hauteskunde Batzordearen ebazpena kautelaz eteten duen ala ez ebatziko du auzi arlokoak.
Magistratuak ez dira auziaren muinean sartuko; izan ere, Torraren abokatuek eskatutako kautelazko neurria onartzen duten ala ez erabakitzea da haien egitekoa; erabaki behar dute, halaber, Espainiako Hauteskunde Batzordearen ebazpena behin-behinean bertan behera utziko duten, helegiteak aztertzen dituzten bitartean.
Torrari dagokionez, hauteskunde-kanpainan eraikin publikoetan jarritako lazo horiak ez kentzeagatik desobedientziagatik zigortu zuen epaileak. Espainiako Hauteskunde Batzordeak diputatu autonomiko gisa zuen kredentziala kentzeko eskatu zion Gorenari, eta Kataluniako Parlamentuaren esku utzi zuen Generalitateko presidente izateari ere utzi behar ote dion erabakitzea.
Albiste gehiago politika
Cerdan Servinabarreko bazkide zela ukatu egin du Antxon Alonso enpresariak
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servibanarreko bazkide bihurtzeko dokumentua sinatu zuela, baina hura ez zela inoiz burutu. Horrekin batera, Abalos ministro ohiaren fundazioari 4.500 euro eman zizkiola onartu du.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.