Ministro Kontseiluak pentsioen % 0,9ko igoera onartuko du gaur ziurrenik
Espainiako koalizio-gobernuaren lehen Ministro Kontseiluak pentsioak % 0,9 igotzea onartuko du gaur, asteartea, ziurrenik. Izan ere, hitzartutako igoera hori airean geratu zen iaz egindako azken bileran, Gobernua osatu arte. Halaber, Dolores Delgado Justizia ministro ohia Estatuko fiskal nagusi izendatzea proposatuko du Sanchezek.
Pedro Sanchez Espainiako Gobernuko presidentea demokraziako bigarren Ministro Kontseilu jendetsuenaren aurrean izango da. Guztira, 22 ministro (lau presidenteorde tartean) bilduko dira Espainiako Gobernuko presidentearekin; PSOEko 18 kide eta Unidas Podemoseko 5 eseriko dira mahaiaren inguruan.
Bileraren aurretik, Exekutiboko kideak banan-banan iritsiko dira Moncloako jauregira, Ministro Kontseiluaren egoitzara, eta ohiko argazkia egingo dute gero eskaileretan, presidentearekin batera. Bileraren ostean, agerraldia egingo du Espainiako Gobernuko presidenteak.
Pentsioen erronka
Gobernu berriaren beste erronketako bat pentsioak dira. Argi utzi zuen hori Jose Luis Escriva Gizarteratze, Gizarte Segurantza eta Migrazio ministro berriak, astelehenean, karguaz jabetutakoan; Escrivaren esanetan, pentsioak KPIa kontuan izanik eguneratuko dira.
Halaber, zahartze demografikoari aurre egiteko irtenbide "zuzenak eta bidezkoak" hartuko dituztela nabarmendu zuen, eta Gizarte Segurantzaren defizitari modu "azkar eta eraginkorrean" egingo diotela aurre.
Hori lortzeko, ministroak adierazi zuenez, indar politikoen eta gizarte-eragileen arteko adostasuna beharko da pentsioen sistemaren erreformari heldu ahal izateko. Sistema horren kaudimena ere aipatu zuen, erronken artean.
"Pentsioen sistema osoaren ikuspegi bat izan nahi dugu; izan ere, gure helburua da pentsioen merkatuaren kaudimena eta nahikotasuna indartzea, eta pentsiodunei ziurtasuna ematea, epe motzera, ertainera eta luzera", nabarmendu zuen Escrivak. Horren hitzetan, Ministerioak bere gain hartuko ditu klase pasiboen pentsioak (2011 baino lehen erretiroa hartu zuten funtzionarioenak), eta gizarte-aurreikuspen osagarriaren sistemaren gaineko hausnarketa egingo duela gaineratu zuen.
Hortaz, ostiralean beste Ministro Kontseilu bat egingo badute ere, Gobernuak ez du ordura arte itxarongo erabaki handiak hartzeko, Gobernuaren iturriek iradoki dutenez.
Zure interesekoa izan daiteke
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.