Iglesiasek estatu batzarra deitu du martxorako, eta hautagai aurkeztuko da berriro
Pablo Iglesias Podemoseko buruak ostiral honetan, urtarrilak 17, iragarri duenez, Podemosen hirugarren batzar herritarra martxoan egingo dute, eta zuzendaritza osoa, Idazkaritza Nagusia barne, berrituko dituzte bertan.
Podemoseko iturrien arabera, aurreko bi kongresuetan ez bezala, oraingoan herri batzarra ez da Madrilgo Vistalegre jauregian egingo, nahiz eta ekitaldi horren izena Vistalegre III izango den.
"Inoiz baino beharrezkoagoa da gure alderdia lanean jartzea. Horregatik, Antolakuntza idazkaritzekin hitz egin ondoren, Herritarren Batzarra martxoan egiteko proposamena helarazi diet", adierazi du Iglesiasek alderdiaren zuzendaritzaren aurrean.
Jarraian iragarri du "ohorea" izango dela hautagai gisa aurkeztea, berrautatua izateko.
Podemosen sorreraren seigarren urteurrena betetzen den egunean, eta Gobernuaren parte izateko helburua beteta, Iglesiasek Estatuko Kontseilu Herritarrean (CCE) egin du iragarpena, batzarren arteko zuzendaritza organo gorenean.
Podemoseko buruzagiak sei urte daramatza alderdiko buru, beste lau urtez gidatu nahi du, eta batzarra urtebete aurreratzea erabaki du; izan ere, beranduenez 2021eko otsailean egin behar zen, Vistalegre II kongresua egin zenetik lau urte bete direnean.
Iglesiasek iragarri duenez, alderdiko bozeramailea Rafa Mayoral Gizarte Zibileko idazkaria izango da orain, eta Idoia Villanueva Nazioarteko idazkaria, Noelia Vera oraingo Podemoseko bozeramailearen ordez.
Zure interesekoa izan daiteke
Migrazio-krisiaren aurrean "larrialdi nazionala" deitzeko eskatu dio Ceutak Espainiako Gobernuari
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal ingurutik sartu dira, batzuk igerian eta beste batzuk kostaldetik oinez.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.