Unidas Podemosek presidenteordetza bat eta lau ministerio izango ditu
Unidas Podemosek presidenteordetza bat eta lau ministerio izango ditu azkenean PSOErekin eratuko duen koalizio gobernuan, negoziazioaren gertuko iturriek EFE albiste agentziari jakinarazi diotenez.
Espainiako Gobernu berriak hiru presidenteordetza izango ditu: Pablo Iglesiasek Gizarte Gaietarakoa zuzenduko du; Nadia Calviñok, orain arte Ekonomia ministro izan denak, presidenteorde izaera izango du arlo berean; Carmen Calvok presidenteorde politiko karguari eutsiko dio.
Ministerioei dagokienez, koalizio moreak lau hartuko ditu bere gain, betiere iturrion arabera. Irene Monterok Berdintasun Ministerioaren ardura hartuko du; Lan Ministerioa Yolanda Diaz buruzagi galiziarraren esku geratuko da. Unibertsitate Sailerako, Rosa Lluch En Comu Podemeko kidea deituko ei dute. Erdi Aroko Historiako irakasle eta Ernest Lluch ministro ohi sozialistaren alaba dena aipatzen da gehien kinieletan kargu horretarako.
Ziurtzat eman da Alberto Garzon IUko buruzagiak ministerio bat zuzenduko duela, baina ez dute aurreratu zein izango den.
Koalizio gobernurako akordioa sinatu zenean Garzonek berak Twitterren iragarri zuenez, "familia langileen bizi baldintzak hobetzeko" erronka zuen aurretik.
Bestalde, baztertuta ei dago Gizarte Segurantza, pentsioak eta Etxebizitza arloak Unidas Podemosen esku geratzea.
Despopulatzearen kontra borrokatzeko Ministerioa
Pedro Sanchez buruzagi sozialistak hauteskunde kanpainan aurreratu zuen despopulatzearen kontra borrokatzeko ministerio bat sortuko zuela, eta Unidas Podemosekin adostutako programan ere erronkari heltzeko konpromisoa hartu dute bi aldeek.
Hain justu, horixe izan liteke Unidas Podemosen esku gera litekeen laugarren ministerioa, baina Isaura Leal Erronka Demografikoaren aurreko Espainiako Gobernuaren ordezkari izandako eta PSOEko zuzendaritzako kidea ere aipatu dute.
Jarraituko duten ministro sozialistak
Calviñok eta Calvok gobernuan jarraituko dutela ziurtzat eman den moduan, zalantza handirik ez dago beste ministro sozialista batzuek karguari eutsiko diotela. Hala nola, Jose Luis Abalos (Sustapen Ministerioa), Maria Jesus Montero (Ogasuna), Fernando Grande-Marlaska (Barne Ministerioa), Teresa Ribera (Trantsizio Ekologikoa) eta Margarita Robles (Defentsa Ministerioa).
Ez dago argi Dolores Delgadok Justizia Ministerioa zuzentzen jarraituko duen ala ez.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".