Torra ordezkatzeko 48 orduko epea eman dio Hauteskunde Batzordeak Parlamentuari
Auzitegi Gorenak atzera bota du Quim Torrak bere gaitasun-gabetzearen aurka jarri zuen helegitea eta, ondorioz, babestu egin du Espainiako Hauteskunde Batzordeak Generalitateko presidenteari diputatu-agiria kentzeko hartu zuen erabakia.
Ebazpen horren ondotik, Bartzelonako Hauteskunde Batzordeak 48 orduko epea eman dio Xavier Muro Kataluniako Parlamentuko idazkari nagusiari, Torraren eserlekua aurrerantzean nork hartuko duen jakinarazi dezan. Halaber, Carles Puigdemonten diputatu-agiria Ferran Mascarelli ematea erabaki du.
Bi egunetan erantzunik ez badago, Hauteskunde Batzordeak berak erabakiko du nork ordezkatuko duen Torra, JxCat-ek hauteskundeetan aurkeztu zuen zerrenda oinarri hartuta.
Gorenaren ebazpenaren berri izan ostean, Espainiako Hauteskunde Batzordea Roger Torrent Kataluniako Parlamentuko presidenteari zuzendu zaio, Torrari diputatu-akta "berehala" kentzeko eskatuz.
Halaber, agindua betetzen duenean ziurtagiri bat bidaltzeko eskatu dio, jada diputatu ez dela egiaztatu ahal izateko.
PSCk beste txosten bat eskatu diete Parlamentuko abokatuei
Kataluniako Parlamentuko Mahaiak astelehenera arte du Hauteskunde Batzordearen agindua bete eta Torrari diputatu-akta kentzen ote dion, ala kontrara, egun horretan dagoen osoko bilkuran bozkatzean uzten dion.
Parlamentuko Mahaia hilaren 14an bildu zen azkenekoz. Argazkia: EFE
Gorenaren erabakiaren ostetik, PSCk beste txosten bat eskatu die Parlamentuko abokatuei, Torrari bozkatzen utzita desobedientzia delitu bat egingo ote luketen zehazteko. Parlamentuko zerbitzu juridikoek aurreko txosten batean esan zutenez, Hauteskunde Batzordeak ez zuen eskumenik inor gaitasungabetzeko.
Presidentetzako iturriek azaldu dutenez, Mahaiak erabaki beharko du txosten hori eskatu ala ez, eta Parlamentuko beste iturri batzuen ustez, ez da txosten berririk behar, "funtsa aldatu ez" delako: duela 15 egun Hauteskunde Batzordeak eskumenik ez bazuen, orain ere ez du.
Iturrion arabera, Torrari bozkatzeko aukera ematea erabaki "politikoa da", eta Parlamentuko Mahaiarena, eta berezi Roger Torrent presidentearena da. Hori horrela hiru aukera daude: Batzordearen agindua bete eta Torrari diputatu-akta kentzea, baina presidente izaten jarraitzea; diputatu-agiriari eustea eta asteleheneko osoko bilkuran bozkatu ahal izatea; eta hirugarren bat, agindua beteta, Torrari diputatu-akta eta Presidentetza kentzea.
Parlamentari eta presidente izaten segitzen duela berretsi du Torrak
Bestalde, eguerdian, Quim Torrak agerraldia egin du eta parlamentari eta Kataluniako Gobernuko presidente izaten jarraitzen duela azpimarratu du berriz ere: "Ez dugu atzera egingo".
Ildo berean, urtarrilaren 3tik eta 4tik hona ezer aldatu ez dela erantsi du. Urtarrilaren 3an eman zuen diputatu-agiria kentzeko agindua Espainiako Hauteskunde Batzordeak eta biharamunean Kataluniako Parlamentuak osoko bilkura egin zuen Torra parlamentari eta Generalitateko presidente zela berretsiz.
Zure interesekoa izan daiteke
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.