Perez de los Cobosek "oztopoak jartzea" leporatu dio Traperori
Eskualdeko polizia bere aginduetara egonez gero, bere lehen erabakia Jose Luis Trapero "baztertzea" izango zela adierazi du Guardia Zibileko Diego Perez de los Cobos koronelak (2017ko urriaren 1eko erreferenduma galarazteko polizia dispositiboaren koordinatzailea), etengabe baitzebilen "oztopoak jartzen" operazioa antolatzeko prozesuan.
Traperoren eta Mossoen agintaritza politikoaren kontrako epaiketan, Perez de los Cobos izan da akusazioaren lehen lekukoa. Bere agerraldian, Mossoen buru ohiaren hitzak gezurtatu ditu, eta Mossoek U-1erako pertsonal "nahikoa" zutela esan ziela nabarmendu du.
Ahozko epaiketaren lehen egunean, polizia autonomikoak ezin izan zuela bere kabuz bozketa geldiarazi adierazi zuen Mossoen burua zenak eta hura ez zela polizia talde bakarraren lana, Polizia Nazionalarena eta Guardia Zibilarena ere bazelako.
Hala ere, Traperoren jarrera "ez zen laguntza eskatzeko izan", azpimarratu du koronelak. Horren esanetan, bere izendapena baliogabetzea eskatu zion Traperok Kataluniako fiskal nagusiari bidalitako gutun batean, eta Mossoek ez zutela laguntzarik eskatu gaineratu zuen bertan, pertsonal "nahikoa" zutelako.
Operazioaren koordinatzaile izendatu zuten unetik Traperorekin zailtasunak izan zituela esan du koronelak, baina argi utzi du ez zuela inongo botererik Esquadra Mossoen gainean. Izan balu, lehen erabakia Jose Luis Trapero "baztertzea" izango zela adierazi du, etengabe baitzebilen "oztopoak jartzen" operazioa antolatzeko prozesuan.
Perez de los Cobosen arabera, poliziaren jardueraren inguruan "iruzkin" bat egin zuen aldi bakarrean Traperok "malguki bat bezala egin zuen salto" argi uzteko koronelak ez ziola agindurik emango.
Erreferenduma egin baino lehen Mossoen goi-karguekin izandako bilera guztiak nabarmendu ditu Perez de los Cobosek, baina irailaren 28ko Segurtasun Batzordean Trapero Carles Puigdemonten eta Joaquim Fornen alde jarri zela azpimarratu du.
Topaketa horretan, Puigdemontek urriaren 1ean Mossoek nola jardun behar zuten adierazi zuela esan du koronelak. Haren iritziz, Generalitateak Mossoekin topo egin izan balu, eta horiek ez balira haiekin lankidetzan arituko, deialdiak ez zuen aurrera jarraituko.
Horri dagokionez, polizia autonomikoaren plana filtratu egin zela adierazi du koronelak, eta herritar guztiek bazekitela nola jardungo zuen poliziak eta zein kasutan ez zuen jardungo (umeen edo pertsona nagusien aurrean edo erresistentzia pasiboa izanez gero, esaterako).
"Oro har pasibotasuna eta kasu batzuetan eragozpena egon zen Mossoen aldetik", Perez de los Cobos koronelaren hitzetan.
Zure interesekoa izan daiteke
"Immobilismoa ez da aukera bat", ohartarazi dio Sumarrek Sanchezi, eta aldaketak eskatu dizkio berriro
Ernest Urtasunek adierazi duenez, legealdiko une "oso larria" da, PSOEri eragiten dioten ustezko ustelkeria kasuak eta buruzagi sozialisten aurkako sexu-jazarpen salaketak direla eta.
Sanchez Junquerasekin (ERC) bilduko da urte hasieran, legegintzaldian aurrera nola egin aztertzeko
Juntsi dagokionez, Pedro Sanchezek aitortu du Kataluniako alderdiarekin "harremana hautsita" dagoela, baina akordioak betetzeko "erabateko borondatea" agertu du.
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.