Erkoreka eta Darias gaur bilduko dira eskumenen gaiari berriro heltzeko
Josu Erkoreka Eusko Jaurlaritzako bozeramaile eta Gobernantza Publiko eta Autogobernu sailburua eta Carolina Darias Espainiako Gobernuko Lurralde Politika eta Funtzio Publikorako ministroa gaur, asteazkena, bilduko dira Madrilen, 12:00etan, oraindik eskualdatu ez diren transferentzien gaiari berriro heltzeko. Gizarte Segurantzaren kudeaketa ekonomikoa ere izango dute hizpide.
Erkorekak berak eman du bileraren berri gobernu bileraren ostean egin ohi duen prentsaurrekoan. Bozeramailearen esanetan, "egiteko dauden transferentzien inguruko negoziazioa eta akordioa premiazkoak eta lehentasunezkoak dira Jaurlaritzarentzat". Horren ildoan azaldu duenez, bileraren helburua da lanerako aldebiko bide bat irekitzea, "oztoporik gabea eta etengabea" eta "luze jo gabe", eta Espainiako Gobernuak urtarrilean onetsitako kronograma eta plana eguneratu eta horiek negoziatzeko lantaldeak sortzea.
Jaurlaritzako bozeramaileak esan du Gizarte Segurantzaren kudeaketa ekonomikoa ere mahai gainean izango dutela. Eskumen hori Gernikako Estatutuan dago jasota, baina Espainiako Gobernuak onartutako azken egutegian ez zuten sartu. Gaur egun, ordea, Jaurlaritzak uste du horri ere heldu behar zaiola, eta hala jaso zuten PSOEk eta EAJk abenduan onartutako akordioan.
Ildo beretik mintzatu da Beatriz Artolazabal Enplegu eta Gizarte Politiketako sailburua. "PSOEk eta EAJk sinatutako hitzarmenean jasota dago Gizarte Segurantzaren kudeaketa ekonomikoa. Hori da beti eskatu duguna. Orain ematen du Alderdi Sozialistak baduela horri buruz hitz egiteko borondatea, eta uste dut beharrezkoa eta premiazkoa dela eskualdatzea, euskal erakundeek baliabide horiek egokiago kudea ditzaten", azaldu du.
Bileraren ondotik Erkoreka eta Darias elkarrekin agertuko direla kazetarien aurrera iragarri du Artolazabalek.
Koalizio gobernua osatu zenetik Eusko Jaurlaritzaren eta Espainiako Gobernuaren arteko lehen bilera instituzionala izango da honakoa.
Mendia: "Sanchezekin aldaketa egon da transferentziei dagokienez"
Idoia Mendia PSE-EEko idazkari nagusiak ere hizpide hartu du bilera, eta gogorarazi du sozialistek eta EAJk gobernu akordioa onartu zutela, eta bertan Estatutua osorik betetzeko helburua aurreikusten dela; horrek "Gizarte Segurantzari buruz hitz egitea ere badakar", horren hitzetan.
"Estatutuaren gailurra Gizarte Segurantzaren kudeaketa ekonomikoa da", esan du Herri Irratian egindako elkarrizketa batean.
Mendiak azaldu duenez, EAEn pentsio publikoak Eusko Jaurlaritzak kudeatuko balitu, "Espainiako pentsio sistema publikoaren parte izaten jarraituko lukete, eta Espainiako Gobernuak ordaindu eta bermatuko lituzke".
Nolanahi ere, horren arabera, aldaketa bat egon da Sanchezekin transferentziei dagokienez. "Aurreko ezein gobernuk egin ez duen zerbait egin du: transferentzien egutegi bat. Niri oso ausarta iruditzen zait", gaineratu du.
"Ministroa konprometituta dago, baita presidentearen aginduz ere, egutegi berri hori egin eta transferentzia guztiak lantzen hasteko", azaldu du.
PSE-EEko buruak zehaztu du "gai asko oso aurreratuta" daudela eta "luze gabe pakete bat" egon daitekeela. "Konpromiso hori betetzen joateko ibilbidea dugu", adierazi du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.