Miguel Angel Montesek (PSE-EE) Javier Martinezen lekua hartu du Iruña Okan
Miguel Angel Montes sozialista Iruña Okako (Araba) alkate izendatu dute ostiral honetan. Horrela, Javier Martinez alderdikidea ordezkatuko du karguan. Udala gobernatzeko "gehiengo egonkor baten faltan" dimisioa eman zuen Martinezek iragan hilean.
Hala ere, dimisioa oposizioko talde politikoek eskatu ondoren eman zuen Martinezek. Epai batek Udala 840.000 euro ordaintzera zigortu zuen hirigintza auzi batengatik. Gainera, alkateak trafiko istripua izan zuen, eta alkoholemia proban positibo eman zuen.
Udalbatzak Martinezen dimisioa urtarrilaren 24an onartu zuen. Era berean, Miguel Angel Montesek jarduneko alkate izendatu zuten. Ostiral honetako Udalbatzan, ostera, alkategai bezala aurkeztu da, eta lau zinegotzi sozialisten babesarekin Alkatetza bereganatu du. Gainerako zinegotziak abstenitu dira.
Honenbestez, alderdikideak baino aldeko boto gutxiago lortu ditu Montesek; izan ere, aurrekoan Elkarrekin Podemoseko zinegotziak hautagai sozialista babestu zuen. Martinez 2004an heldu zen Alkatetzara.
EAJko hiru zinegotziak eta PPko bakarra abstenitu dira. Jeltzaleek PSE-EErekin koalizio akordioak dituzte erakunde nagusietan. EH Bilduko bi zinegotziak gaurkoan abstenitu dira, aurrekoan Martinezen aurkako botoa eman ondoren.
Bestalde, Loida Blanco zinegotzi sozialista berria karguaz jabetu da ostiral honetan, Martinez ordezkatuz.
Iruña Oka (3.000 biztanle baino gehiago) PSE-EEk gobernatzen duen Arabako udalerri bakarra da.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.