"Batasuna" eskatu du Mugikak "populismo eta nazionalismo identitarioen aurrean"
Juan Maria Mugica, ETAk duela 24 urte hil zuen Fernando Mugica buruzagi sozialistaren semeak "batasuna" eskatu du "populismo eta nazionalismo identitarioek sortzen duten zarata eta amorrutik ihes egiteko", indar demokratikoek "okerrenaren babesa bilatzen baitute, okerrena etorriko baita" gehitu du.
Donostian egin ditu adierazpen horiek Mugicak, bere aita zenari Polloeko hilerrian egin dioten omenaldian. Maria del Carmen Heras alarguna eta Jose Maria, Ruben eta Fernado semeei babesa ematera hurbildu dira PSEko zein PPko hainbat buruzagi, Afoldo Suárez Illana diputatua, Manuel Valls Frantziako lehen ministro ohia, Maite Pagazurtundua Joseba Pazaurtundua ETAk duela 17 urte Andoainen hil zuen udaltzainburu ohia, Consuelo Ordoñez Coviteko presidentea eta Eneko Goia Donostiako alkatea, besteak beste.
"Terrorismoaren kontrako borrokan Euskadiko zein Espainiako gizartean erakutsi zuen batasun gaitasuna" goraipatu du Jose Maria Mugicak eta hurrengo belaunaldiei "batasun ondare" hori utzi behar zaiela defendatu du.
"Gaur badakigu Espainia eta Europa suntsitu zuten mamuak itzuli direla eta Euskadin terrorismoak islatu zuen proiektu totalitarioak bizirik dirauela" esan du.
"Historiako mamurik okerrenak, populismotik datozenak, edozein etiketa izan da ere, bai Voxen eskuin muturretik edo ezer muturretik, zarata eta amorrua sortzen dute" , "bi Espainiak deituriko horren okerrena ekartzen dute" nabarmendu du.
"Espainiako gizartearen haustura eta banaketara garamatzaten dinamikekin apurtu eta batasuna bultzatzea" aldarrikatu ditu Mugicak.
Horretarako, "espainiarren arteko elkarrizketa berreskuratu" beharra dagoela esan du, "konfiantza berreraiki eta eskuzabalak izan hurkoekin, pentsatzen duten bezala pentsatzen dutela ere".
Maite Pagazaurtunduak, bere aldetik, gogor kritikatu du ez dela "behar bezain beste begiratu iraganera" herrietan ETAko preso ohiei ongietorriak egiten zaizkienean gizartea "matxinatzen ez denean".
"Isilpeko negazionismoa" egiten dela eta "ETA zuritzen" dela salatu du, eta ezker abertzaleari eskatu dio esan dezala "helburuak modua justifikatzen ote duen".
Zure interesekoa izan daiteke
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatuz, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.