"ETA zuritzen ez duen memoria" aldarrikatu du PSE-EEk Pagazaurtunduaren omenaldian
Joseba Pagazaurtundua Andoaingo (Gipuzkoa) Udaltzaingoaren buruzagi eta militante sozialista gogorarazi du PSE-EEk larunbat honetan. ETAk hil zuen. "Memoria kolektiboa eraikitzea ez da posible izango batzuek terrorismoa zuritu nahi baldin badute", azpimarratu dute sozialistek ekitaldian.
Maider Lainez Andoaingo alkate sozialistak gogoeta egin du, PSE-EEk hilketaren urteurrenean urtero antolatzen duen lore eskaintzan. ETAk Pagazaurtundua taberna batean tirokatu zuen, 2003ko otsailaren 8an.
"Gertatutakoan benetan oinarritzen den memoria kolektibo eta barnerakoia eraikitzea" eskatu du Lainezek. "Baina gertatutakoa zuritzen saiatzen badira eta zuriari zuri eta beltzari beltza deitzen ez badiote" ez da posible izango, zehaztu duenez.
"Aurrera begiratu behar dela argudiatuz orrialdea ezin dugu pasa. Hain zuzen ere, datozen belaunaldietan pentsatuz, orrialdea pasa behar dugu, bai, baina gertatutakoaren irakurketa eginez", nabarmendu du Lainezek.
"Elkarbizitzan lanean jarraitzea" eta "aurrera egitea" eskatu du Andoaingo buruzagiak, baina "memoria, egia, justizia eta biktimen erreparaziotik abiatuta".
ETA duela ia hiru urte desegin zen, 2018ko maiatzean. "Indarkeriaren zentzugabekeria eta sufrimendu guztia zertarako balio izan duen ulertzea geroz eta zailagoa da", Pagazaurtunduaren hilketa eta "beste hainbat pertsonena", gaineratu du.
"Ezberdin pentsatzeagatik eta askatasuna defendatzeagatik inor ez zuten sekula hil behar", esan du Andoaingo alkateak. "Terrorismoak ez du sekula zentzurik, ezta justifikaziorik ere", azpimarratu du. "Guztiek argi eta irmo onartu beharko lukete hori", erantsi duenez.
"Gaur, inoiz baino gehiago, Josebaren eta bidegabe kendu zizkiguten beste hainbaten memoria aldarrikatu behar dugu", adierazi du Lainezek.
Zure interesekoa izan daiteke
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatuz, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.