Buesak "justizia" eskatu du biktimentzat, eta "birgizarteratzea" presoentzat
Sara Buesa ETAk duela 20 urte hildako Fernando Buesa PSE-EEko buruzagiaren alabak azpimarratu duenez, biktimek "justizia" behar dute eta "terroristek ez dute omenaldirik merezi". Dena dela, ETAko presoek "birgizarteratze bide bat" izan behar dutela esan du, pertsona guztien giza eskubideak errespetatu behar direlako, "baita min egin diguten horiena ere".
Fernando Buesa Fundazioko presidenteordea ere badenak buruzagi sozialistaren eta Jorge Diaz bizkartzainaren hilketaren urtemuga-ekitaldian egin ditu adierazpenak. ETAk 2000ko otsailaren 22an hil zituen biak, Gasteizen jarritako bonba-auto batekin.
Gasteizen egin dute ekitaldia, Europa Jauregian, terrorismoaren biktimen hainbat elkarte, erakundeetako ordezkari ugari eta Iñigo Urkullu lehendakaria bertan zirela.
Buesak gogora ekarri duenez, aitak "ez zuen erdibiderik onartzen indarkeriaren aurrean, jarrera irmoa zuen. Ozen salatu zuen hiltzea eta estortsioa egitea ez zela ekintza politiko bat, kriminala baizik, eta ekintza terroristak egin edo antolatzen zituztenak ez zirela abertzaleak edo heroiak. Ez dute omenaldirik merezi".
Sara Buesak buruzagi sozialistaren "konpromiso zibikoa" goraipatu du: "Injustizien, intolerantziaren eta fanatismoaren aurka azaldu zen". Ildo horretan, nabarmendu du aitak askatasuna aldarrikatu zuela frankismoaren eta terrorismoaren aurrean.
Horren hitzetan, aitak uste zuen edozein ideia politiko "hitzarekin eta bide demokratikoen bidez" defenda zitekeela, baina inposatu gabe, "eta are gutxiago indarkeria edo bortxa erabilita".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.