Euskal alderdiak, kritiko deseskalatze planarekin
Pedro Sanchez Espainiako presidenteak alarma egoeratik "normaltasun berria" deritzon aldirako deseskalatzea maiatzaren 4an hasiko dela iragarri du, baita lurraldeen arabera modu asimetrikoan gauzatuko dela (probintzia izango da erreferentzia) eta ekainaren amaierara arte hamabost eguneko lau fasetan egingo dela ere.
Erabaki horren aurrean, EAJk Sanchezi aurpegiratu dio autonomia erkidegoetako agintariek ez dutela neurriak lasaitzeko planean "funtzio bat ere" beteko, eta "akatsa" iritzi dio "tokian tokiko administrazioei ez uzteari egoera lurralde bakoitzaren ezaugarriei egokitzen".
"Zuhurtzia"
Arnaldo Otegi EH Bilduko buruaren ustez, Sanchezek "zuhurtzia nahikoa erakutsi du jendeak uler dezan, Munduko Osasun Erakundeak esaten duen bezala, faserik zailena datorrela" koronabirusaren pandemian.
"Inprobisazioa-inposizioa"
Amaya Fernandez EAEko PPren behin-behineko presidentearen esanetan, Pedro Sanchez Espainiako presidentearen deseskalatze planaren ezaugarria "inprobisazio-inposizio binomioa" da, "ohi bezala".
Fernandezen aburuz, "ez ikusiarena egin diete autonomia erkidegoei, oposizioari, Kongresuari eta kaltedun kolektiboei".
"Zentzu komuna"
Elkarrekin-Podemosen izenean, Miren Gorrotxategik adierazi du "zentzu komun eta juridiko osoa" duela Espainiako Gobernuak "aginte bakarra" izatea pandemiaren aurrean ezarritako alarma egoeran.
Horren ildotik, gogora ekarri du deseskalatze plana asimetrikoa izango dela eta horregatik ezarri dituztela faseak eta banatu dutela probintziaka "autonomia erkidegoei entzunda".
Zure interesekoa izan daiteke
Espainiako Gobernuak 2027ra arte lanean jarraituko duela ziurtatu du Sanchezek
Pedro Sanchezek, COP30 hasi aurreko buruzagien goi-bileran parte hartu ostean Brasilen emandako prentsaurrekoan, Junts "oso serio" hartzen dutela esan du, baina legegintzaldia amaitzearen aldeko apustua egin du, "ahaleginak merezi" duelako., izan ere, azpimarratu duenez, "Espainia azken 45 urteetako unerik onenetako bat igarotzen ari da. Sanchezek berretsi duenez, Gobernuak 2026rako aurrekontu-proiektua aurkeztuko du, baina, kontu berriekin edo horiek gabe, "Espainiak aurrera egiten jarraituko du eta Gobernuak bere ibilbide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.