Tabernetako terrazak eta denda txikiak maiatzaren 11n irekiko dituzte
Tabernetako terrazak eta txikizkako merkataritzako lokalak maiatzaren 11n irekiko dituzte, Pedro Sanchez Espainiako Gobernuko presidenteak joan den astean iragarri zuenez, Gobernuak lau fasetan banatu duen "normaltasun berrirako" trantsizio-planaren arabera.
Espainiako Aldizkari Ofizialean, bost agindu argitaratu zituzten atzo, igandearekin, deseskalatzearen 0 eta, hainbat kasutan, 1 faseei begira ostalaritza, saltokiak, zerbitzuak, mugikortasuna eta muga sozialak arautzeko.
Espainiako Gobernuak, adibidez, 1 fasetik aurrera tabernako terrazen okupazio maila % 30etik % 50era handitzea erabaki du, eta hamar pertsonara arteko bilerak baimenduko ditu, baita malgutasun handiagoa beilatoki, hileta eta erlijio ospakizunetan ere.
Eramateko janaria, jatetxeetan
0 fasean, maiatzaren 4tik aurrera, jatetxeetan janaria jaso eta etxera eraman ahal izango da, lokaletan kontsumitu gabe.
Maiatzaren 11n, 1 fasean, ostalaritza irekiko da, eremu komunak baztertuz eta murrizketa jakin batzuekin (lokaletako terrazak irekiko dituzte, % 50eko okupazioarekin), eta hamar lagunera arteko bilerak baimenduko dituzte, baita malgutasun handiagoa beilatoki, hileta eta erlijio ospakizunetan ere.
"Tarteko" faserako, markatzaileak betetzen badira, lokalen barne-espazioa irekitzea aurreikusten da, edukieraren heren batekin eta mahaien zerbitzurako bakarrik. Horrela, bada, ezingo da barra zerbitzua erabili.
2 fasean, edukiera murrizketak leunduko dira, baina "baldintza zorrotzak" izango dira bezeroen arteko urruntzeari dagokionez.
Saltokiak, maiatzaren 11tik aurrera irekita
Merkataritzari dagokionez, maiatzaren 11n hasiko da jarduera, 1 fasean, txikizkako merkataritza irekitzeko aukera emango denean, "segurtasun baldintza zorrotzekin": 400 metro koadrora arteko establezimendu eta lokalak ireki ahalko dira, bezeroak hitzordua aurretiaz hartuta sartu ahalko dira eta garbitasun neurri oso zorrotzak gordeta.
Hori bai, ezingo dituzte oraindik ireki aglomerazioak ohikoagoak diren zentro edo merkataritza parke handiak. 65 urtetik gorako pertsonek lehentasunezko ordutegia izango dute fase honetan.
Ekainaren erdialderako aurreikusita dagoen 3 faserako, merkataritza eremuan edukiera % 50era mugatuko da, eta bi metroko gutxieneko distantzia ezarriko da.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.